பதிவு செய்த நாள்
08 ஜூன்2012
14:59
ஓசூரை தலைமையிடமாக கொண்டு செயல்படும், டி.வி.எஸ்., மோட்டார்ஸ் நிறுவனம், இருசக்கர வாகன விற்பனையில் முன்னணியில் உள்ளது. கடந்த சில ஆண்டுகளாக, டூவீலர் விற்பனையில், 3வது இடத்தில் இந்த நிறுவனம் இருந்து வந்தது. எனினும், கடந்த சில மாதங்களாக, ஹோண்டா நிறுவனம், டி.வி.எஸ்., நிறுவனத்துக்கு கடும் போட்டியை அளித்து வருகிறது. எனவே, வாகன விற்பனையை அதிகரிக்க செய்ய, புதிய வாகனங்களை அறிமுகப்படுத்த வேண்டிய கட்டாயத்தில் இந்த நிறுவனம் உள்ளது. இந்த ஆண்டு, டி.வி.எஸ்., சார்பில், இரண்டு பைக்குகள் அறிமுகப்படுத்தப்படும் என்று ஏற்கனவே, அறிவிக்கப்பட்டுள்ளது. இதில், "ரேடியான் 125' என்ற பைக், டில்லியில் நடந்த வாகன கண்காட்சியில், காட்சிக்கு வைக்கப்பட்டிருந்தது. இந்த பைக், விரைவில் விற்பனைக்கு வரும் என்று எதிர்பார்க்கப்படுகிறது. இந்த பைக்கில், 125 சிசி ஃபோர் ஸ்ட்ரோக் இன்ஜின் பொருத்தப்பட்டுள்ளது. பஜாஜ் நிறுவனத்தின், டிஸ்கவர் 125, ஹோண்டாவின் ஷைன் 125 ஆகிய பைக்குகளுக்கு, டி.வி.எஸ்., நிறுவனத்தின் புதிய பைக், கடும் போட்டியை அளிக்கும் என்று எதிர்பார்க்கப்படுகிறது. இதுதவிர, டி.வி.எஸ்., நிறுவனம் சார்பில் ஏற்கனவே விற்பனையில் இருந்து சக்கை போடு போட்ட, டி.வி.எஸ்., விக்டர் 110 பைக் மீண்டும் விற்பனைக்கு வரும் என்று தகவல் வெளியாகியுள்ளது. இத்துடன், புதிய ஸ்கூட்டர்களை அறிமுகப்படுத்தவும், இந்த நிறுவனம் திட்டமிட்டுள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|