பதிவு செய்த நாள்
13 ஜூன்2012
12:46
இந்தியாவில் இருசக்கர வாகன விற்பனையில் முன்னணியில் உள்ள பஜாஜ் ஆட்டோ நிறுவனம், பல்ஸர் பைக்கை 2001ம் ஆண்டு அறிமுகப்படுத்தியது. இதற்கு இளைய தலைமுறையினரிடம் நல்ல வரவேற்பு உள்ளது. இதன் காரணமாகவே, இருசக்கர வாகன விற்பனையில், இந்த நிறுவனத்தால் சாதனை படைக்க முடிந்தது. இந்த சூழ்நிலையில், பல்ஸர் 200 என்எஸ் என்ற பைக்கை, சமீபத்தில் அறிமுகப்படுத்தியது. இதன் முன்பதிவு, புனேயில் துவங்கியுள்ளது. எக்ஸ் ஷோரூம் விலையாக ரூ.84,273ம், ஆன் ரோடு விலையாக ரூ.94,280ம் அறிவிக்கப்பட்டுள்ளது. நாட்டின் பிற பகுதிகளில், இந்த பைக்குக்கான முன்பதிவு படிப்படியாக துவங்கும் என்று அறிவிக்கப்பட்டுள்ளது.
இந்த பைக்கில், லிக்யூடு கூல்டு 200 சிசி சிங்கிள் சிலிண்டர் இன்ஜின் பொருத்தப்பட்டுள்ளது. உலகிலேயே முதல் முறையாக, இந்த பைக்கில், 3 ஸ்பார்க் பிளக் தொழில் நுட்பம் அறிமுகப்படுத்தப்பட்டுள்ளது. 6 ஸ்பீடு மேனுவல் கியர் பாக்ஸ் பொருத்தப்பட்டுள்ளது. மேலும், பின் பக்க டயரில், மோனோஷாக் ரியர் சஸ்பென்ஷன் வசதி செய்யப்பட்டுள்ளது. இந்த பைக்கில் அதிகபட்சமாக, மணிக்கு 136 கி.மீ., வேகத்தில் செல்ல முடியும். 100 கி.மீ., வேகத்தை 9.8 வினாடிகளிலும், பூஜ்ஜியத்தில் இருந்து 60 கி.மீ., வேகத்தை, 3.6 வினாடிகளிலும் தொட்டு விடும். தொடர்ந்து, மணிக்கு 55 கி.மீ., வேகத்தில் சென்றால், லிட்டருக்கு 58 கி.மீ., மைலேஜ் தரும் என்று நிறுவனம் தரப்பில் தெரிவிக்கப்பட்டுள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|