பதிவு செய்த நாள்
01 ஜூலை2012
16:11
புதுடில்லி : சி.என்.ஜி., எனப்படும் இயற்கை எரிவாயுவில் இயங்கும் புதிய மினி டிரக்கை மஹிந்திரா நிறுவனம் டில்லியில் அறிமுகம் செய்துள்ளது. சிறு மற்றும் கனரக வாகனங்கள் தயாரிப்பில் இருக்கும் முன்னணி நிறுவனங்களில் மஹிந்திராவும் ஒன்று. அதிக மைலேஜ் கொடுக்கும் வர்த்தக வாகனங்களை தயாரிப்பதில் மஹிந்திரா முன்னிலை வகிக்கிறது. இதனால், மஹிந்திரா வாகனங்களுக்கு வர்த்தக மார்க்கெட்டில் தனி மதிப்பு இருக்கிறது. இதுவரை இந்நிறுவனம் தனது மினி டிரக்குகளை டீசல் இன்ஜின்கள் கொண்டு உருவாக்கி வந்தது. இந்நிலையில் இந்நிறுவனம் சுற்றுச் சூழலுக்கு உகந்த வகையில் சி.என்.ஜி எனப்படும் இயற்கை எரிவாயு மூலம் இயங்க கூடிய புதிய மேக்ஸிமோ மினி டிரக்கை அறிமுகம் செய்துள்ளது. டில்லியில் அறிமுகம் செய்யப்பட்ட இதன் விலை ரூ.3.99 லட்சம். குறைந்த எரிபொருள் செலவுடன், அதிக மைலேஜ் கொடுப்பதுடன், சுற்றுச் சூழல் மாசுபடுவதை வெகுவாக தவிர்க்கும் வகையில் இந்த புதிய மினி டிரக் வடிவமைக்கப்பட்டுள்ளது.
மேலும் சந்தையில் புதுசு செய்திகள்
|
Advertisement
|
Advertisement
|
Advertisement
|
|
|
|