பதிவு செய்த நாள்
04 ஜூலை2012
23:54
புதுடில்லி: நடப்பாண்டின் முதல் காலாண்டில், "ஸ்மார்ட்போன்' விற்பனையில், சாம்சங் நிறுவனம் முதலிடத்தை பிடித்துள்ளது.சென்ற ஜனவரி முதல் மார்ச் வரையிலான மூன்று மாத காலத்தில், பன்முக பயன்பாடு கொண்ட,"ஸ்மார்ட் போன்' விற்பனை, 27 லட்சத்தை எட்டியுள்ளது. இதில், சாம்சங் நிறுவனத்தின் சந்தை பங்களிப்பு, 40.4 சதவீதம் என்றளவில் உள்ளது. இதைத் தொடர்ந்து, நோக்கியா, 25.5 சதவீத சந்தை பங்களிப்புடன் இரண்டாம் இடத்திலும், ரிம் நிறுவனம் (பிளாக் பெர்ரி) 12.3 சதவீத பங்களிப்புடன் மூன்றாம் இடத்திலும் உள்ளன.மதிப்பீட்டு காலத்தில், ஒட்டு மொத்த அளவிலான அலைபேசி விற்பனையில், 23 சதவீத சந்தை பங்களிப்பை கொண்டு நோக்கியா நிறுவனம் முதலிடத்தில் உள்ளது. இதையடுத்து, சாம்சங் (14.1 சதவீதம்), மைக்ரோமேக்ஸ் (5.8 சதவீதம்) ஆகிய நிறுவனங்கள் உள்ளன.கணக்கீட்டு காலத்தில், 5 கோடி அலைபேசிகள் விற்பனை செய்யப்பட்டுள்ளன. இதில், ஒன்றுக்கு மேற்பட்ட சிம் கார்டுகள் பயன்படுத்தும் வசதி கொண்ட அலைபேசிகள் விற்பனை, 67.7 சதவீதம் என்றளவில் உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|