பதிவு செய்த நாள்
04 ஜூலை2012
23:57
மும்பை: ஏற்றுமதி குறைந்துள்ளதால், சென்ற 2011-12ம் நிதி ஆண்டில், ஆயத்த ஆடைகள் சந்தை வளர்ச்சி, 5 சதவீத அளவிற்கே (1,10,000 கோடி ரூபாய்) இருக்கும் என, இந்திய ஆயத்த ஆடை உற்பத்தியாளர் கூட்டமைப்பு மதிப்பிடப்பட்டுள்ளது.முந்தைய 2010-11ம் நிதியாண்டில், இந்த வளர்ச்சி, 15 சதவீதமாக உயர்ந்து காணப்பட்டது.சர்வதேச அளவில், இந்திய ஆயத்த ஆடை ஏற்றுமதியில், அமெரிக்கா மற்றும் ஐரோப்பியநாடுகளின் பங்களிப்பு மிகவும் அதிகமாக உள்ளது. இந்தியாவில், அமைப்பு சார்ந்த, 70 சதவீத ஆயத்த ஆடைகள், இந்நாடுகளுக்கு ஏற்றுமதி செய்யப்படுகிறது.உள்நாட்டில், ஆயத்த ஆடைகள் நீங்கலாக, இதர ஆடைகள் சந்தை மதிப்பு, 40 ஆயிரம் கோடி ரூபாய் என்றளவில் உள்ளது. சர்வதேச பொருளாதார நெருக்கடியால், இந்திய ஆயத்த ஆடைகளுக்கு தேவைப்பாடு குறைந்துள்ளது.சென்ற நிதியாண்டில், இந்தியாவிலிருந்து, 70 ஆயிரம் கோடி ரூபாய் மதிப்பிற்கு, ஆயத்த ஆடைகள் ஏற்றுமதி செய்யப்பட்டுள்ளன.வங்கதேசம் மற்றும் இதர நாடுகளிலிருந்து, குறைந்த விலையில் இறக்குமதியாகும் ஆயத்த ஆடைகளால், உள்நாட்டில், ஆயத்த ஆடை தொழில் பாதிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|