புதுடில்லி:நடப்பு காலண்டர் ஆண்டின், இரண்டாவது காலாண்டில் (ஏப்.,-ஜூன்), சர்வதேச கம்ப்யூட்டர் விற்பனை, 8.75 கோடியாக சற்று குறைந்துள்ளது. இது, முந்தைய ஆண்டின் இதே காலாண்டில் மேற்கொள்ளப்பட்ட விற்பனையை விட, (8.76 கோடி) 0.1 சதவீதம் குறைவாகும்.
சர்வதேச கம்ப்யூட்டர் விற்பனை, தொடர்ந்து ஏழு மாதங்களாக, ஒற்றை இலக்க வளர்ச்சி கண்டு வந்த நிலையில், இந்த சரிவு ஏற்பட்டுள்ளதாக, கார்ட்னர் ஆய்வு நிறுவனம் தெரிவித்துள்ளது.சில ஆண்டுகளுக்கு முன்பு வரை, தனிநபர் கம்ப்யூட்டர் விற்பனை சிறப்பாக வளர்ச்சி கண்டு வந்தது. தற்போது, "லேப்-டாப், டேப்லெட், ஸ்மார்ட் போன்' போன்றவற்றின் வருகையால், தனிநபர் கம்ப்யூட்டர் பயன்பாடு குறைந்து போயுள்ளது.
மதிப்பீட்டு காலத்தில், எச்.பி. நிறுவனத்தின், கம்ப்யூட்டர் விற்பனை, 1.30 கோடியாக அதிகரித்துள்ளது. இதையடுத்து, இந்நிறுவனம், 14.9 சதவீத சந்தை பங்களிப்பை கொண்டு, கம்ப்யூட்டர் விற்பனையில் முதலிடத்தில் உள்ளது.
லெனோவா நிறுவனத்தின் கம்ப்யூட்டர் விற்பனை, 1.11 கோடி என்ற எண்ணிக்கையிலிருந்து, 1.28 கோடியாக உயர்ந்துள்ளது. இதையடுத்து, இந்நிறுவனத்தின் சந்தை பங்களிப்பு, 14.7 சதவீதம் என்றளவில் உள்ளது. ஏசர் நிறுவனத்தின் விற்பனை, 96.40 லட்சமாக அதிகரித்துள்ளது. இந்நிறுவனத்தின் சந்தை பங்களிப்பு, 11 சதவீதம் என்றளவில் உள்ளது.
சர்வதேச கம்ப்யூட்டர் விற்பனையில், 10.7 சதவீத சந்தை பங்களிப்பை கொண்டுள்ள, டெல் நிறுவனத்தின் விற்பனை, 1.06 கோடியிலிருந்து, 93.40 லட்சமாக குறைந்துள்ளது. 7 சதவீத பங்களிப்பை கொண்டுள்ள, ஏசஸ் நிறுவனத்தின் விற்பனை, மிகவும் அதிகபட்சமாக, 38.6 சதவீதம் வளர்ச்சிகண்டுள்ளது.மதிப்பீட்டு காலத்தில், ஆசிய பசிபிக் பிராந்திய கம்ப்யூட்டர் விற்பனை, 2 சதவீதம் உயர்ந்து, 3.18 கோடியாக அதிகரித்துள்ளது என, கார்ட்னர் தெரிவித்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 14,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 14,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 14,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 14,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 14,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்