பதிவு செய்த நாள்
06 ஆக2012
23:43
புதுடில்லி: சென்ற ஜூலை மாதத்தில், "செயில்' நிறுவனத்தின் கச்சா உருக்கு உற்பத்தி, 11.30 லட்சம் டன்னாக உயர்ந்துள்ளது. இது, கடந்த ஆண்டு, இதே மாதத்தில் மேற்கொள்ளப்பட்ட உற்பத்தியை விட, 4 சதவீதம் அதிகமாகும்.மதிப்பீட்டு மாதத்தில், வெப்ப உருட்டு உருக்கு உற்பத்தி, 6 சதவீதம் அதிகரித்து, 12 லட்சம் டன்னாக உயர்ந்துள்ளது. மேலும், விற்பனைக்கான உருக்கு பொருட்கள் உற்பத்தி, 3 சதவீதம் உயர்ந்து, 10.60 லட்சம் டன்னாக அதிகரித்துள்ளது.இந்நிலையில், நடப்பு நிதியாண்டின், ஜூன் மாதத்துடன் முடிவடைந்த காலாண்டில், இந்நிறுவனத்தின் நிகர லாபம், 696 கோடி ரூபாயாக குறைந்துள்ளது. இது, கடந்த நிதியாண்டின் இதே காலாண்டை விட (838 கோடி ரூபாய்) 17 சதவீதம் குறைவாகும்.இந்நிறுவனத்தின் விற்பனையும், இதே காலாண்டுகளில், 10,811 கோடியிலிருந்து, 10,640 கோடி ரூபாயாக சரிவடைந்துள்ளது. மேலும், இந்நிறுவனத்தின் இதர வருவாய் 40 சதவீதம் சரிவடைந்து, 466 கோடியிலிருந்து, 278 கோடி ரூபாயாக வீழ்ச்சி கண்டுள்ளது.அன்னியச் செலாவணி மதிப்பில் ஏற்பட்ட மாறுபாடு மற்றும் இதர வருவாய் சரிவடைந்தது போன்ற காரணங்களால், நிகர லாபம் வீழ்ச்சி கண்டுள்ளது என, இந்நிறுவனத்தின் தலைவர் சி.எஸ்.வர்மா தெரிவித்தார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|