பதிவு செய்த நாள்
21 ஆக2012
23:47
புதுடில்லி:சென்ற ஜூலை மாதத்தில், நுகர்வோர் விலை குறியீட்டு எண் அடிப்படையிலான சில்லரை பணவீக்கம் 9.93 சதவீதத்தில் இருந்து 9.86 சதவீதமாக குறைந்துள்ளது.நறுமண பொருட்கள்மதிப்பீட்டு மாதத்தில், காய்கறி விலை உயர்ந்திருந்த போதிலும், நறுமணப் பொருட்கள், தானிய வகைகள் ஆகியவற்றின் விலை குறைந்திருந்தன. இதனால், சில்லரை பணவீக்கம் குறைந்துள்ளது.சென்ற ஜூன் மாதத்தில், தற்காலிக மதிப்பீட்டின்படி 10.02 சதவீதமாக அறிவிக்கப்பட்ட, சில்லரை பணவீக்கம், மறுமதிப்பீட்டில் 9.93 சதவீதமாக குறைந்திருப்பதாக மத்திய அரசு வெளியிட்டுள்ள புள்ளி விவரத்தில் தெரிவிக்கப்பட்டுள்ளது.கணக்கீட்டு மாதத்தில், காய்கறிகள் விலை, மிகவும் அதிகபட்சமாக 27.33 சதவீதம் வரை உயர்ந்திருந்தன. இதை தொடர்ந்து, சமையல் எண்ணெய் விலை 17.37 சதவீதமும், பருப்பு வகைகள் விலை 12.49 சதவீதமும் உயர்ந்திருந்தது.முட்டை, மீன், இறைச்சி ஆகியவற்றின் விலை 11.11 சதவீதமும், குளிர்பானங்கள் விலை 9.26 சதவீதமும் உயர்ந்திருந்தன. தானிய வகைகளின் விலை 6.45 சதவீதம் உயர்ந்திருந்தது. சர்க்கரை விலை 9.06 சதவீதம் அதிகரித்திருந்தது. உணவு மற்றும் குளிர்பானங்கள், துணிகள், படுக்கை மற்றும் காலணி துறைகளின் பணவீக்கம், தொடர்ந்து இரட்டை இலக்கத்திலேயே இருந்தன. சென்ற ஜூலையில், ஊரக மற்றும் நகர்புறப் பகுதிகளில், சில்லரை பணவீக்கம், முறையே 9.76 சதவீதம் மற்றும் 10.10 சதவீதம் என்ற அளவில் உயர்ந்திருந்தது.பொது பணவீக்கம்சென்ற ஜூன் மாத நிலவரப்படி, ஊரக மற்றும் நகர்புறப் பகுதிகளில், சில்லரை பணவீக்கம், முறையே 9.65 சதவீதம் மற்றும் 10.44 சதவீதமாக மறுமதிப்பீடு செய்யப்பட்டுள்ளது.மொத்த விலை குறியீட்டு எண் அடிப்படையிலான, நாட்டின் பொது பணவீக்கம், சென்ற ஜூலையில் 6.87 சதவீதமாக இருந்தது. இது, முந்தைய ஜூன் மாதம் 7.25 சதவீதமாக காணப்பட்டது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|