பதிவு செய்த நாள்
25 ஆக2012
16:40
ஜெர்மனி நாட்டை சேர்ந்த மெர்சிடஸ் பென்ஸ் நிறுவனம் ஏற்கனவே மல்டி பர்ப்பஸ் வைக்கிள்(எம்.பி.வி.,) பிரிவில், ஆர்350 என்ற மாடல் காரை விற்பனை செய்து வருகிறது. 2010ம் ஆண்டு அறிமுகப்படுத்தப்பட்ட பெட்ரோலில் இயங்கும் இந்த காரின் விலை ரூ.58.7 லட்சம்( எக்ஸ்ஷோரூம், டில்லி). தற்போது டீஸலில் இயங்கும் ஆர்350 மாடல் காரை அறிமுகப்படுத்தியுள்ளது. இதன் விலை ரூ.58.9 லட்சம் (எக்ஸ்ஷோரூம், டில்லி). இதில் ஒரே நேரத்தில் ஏழு பேர் வரை பயணம் செய்யலாம். இந்த காரில், 2,987 சிசி திறன் கொண்ட, 3 லிட்டர் வி6 டர்போ டீஸல் இன்ஜின் பொருத்தப்பட்டுள்ளது. 7ஜி- டிரானிக் ஆட்டோமேடிக் டிரான்ஸ்மிஷன் வசதி கொண்டது. அதிகபட்சமாக, மணிக்கு 235 கி.மீ., வேகத்தில் செல்ல கூடியது. பூஜ்ஜியத்தில் இருந்து 100 கி.மீ., வேகத்தை, 7.6 வினாடிகளில் தொட்டுவிடும். இந்த கார், ஒரு லிட்டருக்கு 11.25 கி.மீ., மைலேஜ் தரும் என்று நிறுவனம் தரப்பில் தெரிவிக்கப்பட்டுள்ளது. ஃபோர் வீல் டிரைவ் வசதி கொண்ட இந்த கார், வெளிநாட்டில் உற்பத்தி செய்யப்பட்டு, முழுமையான காராக இந்தியாவுக்கு இறக்குமதி செய்யப்பட்டு அதன் பிறகு விற்பனை செய்யப்படுகிறது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|