பதிவு செய்த நாள்
01 செப்2012
16:50
ஜப்பானை சேர்ந்த மிட்சுபிஷி கார் நிறுவனம், இந்தியாவில் ஹிந்துஸ்தான் மோட்டார்ஸ் நிறுவனத்துடன் இணைந்து, பஜூரோ எஸ்.யு.வி., காரை விற்பனை செய்து வருகிறது. இதில், பஜூரோ ஸ்போர்ட் கார், கடந்த மார்ச் மாதம் அறிமுகப்படுத்தப்பட்டது. மாதத்துக்கு, 120 கார்கள் என, இதுவரை 650 கார்கள் விற்பனை செய்யப்பட்டுள்ளன. பஜூரோ ஸ்போர்ட் கார், வெளிநாட்டில் உற்பத்தி செய்யப்பட்டு, இந்தியாவில் விற்பனை செய்யப்படுகிறது. எனவே, சுங்க வரிக்கு ஆட்படுகிறது. எனவே இதன் விலை ரூ.23.53 லட்சம் என்ற அளவில் உள்ளது.
இந்த சூழ்நிலையில், சென்னையை அடுத்த திருவள்ளூரில் உள்ள தொழிற்சாலையில், செப்டம்பர் மாதம் முதல், பஜூரோ கார், அசெம்பள் செய்யப்பட உள்ளது. தாய்லாந்தில் இருந்து உதிரிபாகங்கள் வரவழைக்கப்பட்டு, இங்கு இந்த கார் உருவாக்கப்படும். எனவே, இந்த காரின் விலை, 20 சதவீதம் வரை குறைய வாய்ப்பு ஏற்பட்டுள்ளது.
இந்தியாவில் எஸ்.யு.வி., கார்கள் விற்பனையில், டொயோட்டா ஃபார்ச்சூனர் கார் தான் முதலிடத்தில் உள்ளது. மாதத்துக்கு, 1,200 ஃபார்ச்சூனர் கார்கள் விற்பனை செய்யப்படுகின்றன.
தற்போது ஃபார்ச்சூனர் காரின் விலை ரூ.20 லட்சத்தில் துவங்கிறது. அதுவும், 2 வீல் டிரைவ் மற்றும் மேனுவல் டிரான்ஸ்மிஷன் வசதி கொண்ட ஃபார்ச்சூனர் காருக்கு தான் இந்த விலை. எனவே, செப்டம்பர் மாதத்துக்கு பிறகு, பஜூரோ ஸ்போர்ட் காரின் விலை ரூ.20 லட்சம் என்ற அளவில் குறையும் போது, ஃபார்ச்சூனர் காருக்கு கடும் போட்டி ஏற்படும் என்று எதிபார்க்கப்படுகிறது.
பஜூரோ ஸ்போர்ட் காரில், 2.5 லிட்டர் டர்போ டீஸல் இன்ஜின் பொருத்தப்பட்டுள்ளது. 5 ஸ்பீடு மேனுவல் கியர்பாக்ஸ் வசதி கொண்டது. தேவைப்பட்டால், 4 வீல் டிரைவ் வசதிக்கு மாற்றிக் கொள்ள முடியும்.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|