புதுடில்லி:நாட்டில் தொலைபேசி, அலைபேசி சேவைகளை உள்ளடக்கிய, ஒட்டுமொத்த தொலைதொடர்பு சந்தாதாரர் எண்ணிக்கை, சென்ற ஜூலை மாதம், 94.48 கோடியாக சரிவடைந்துள்ளது. இது, முந்தைய ஜூன் மாதத்தில், 96.55 கோடியாக இருந்தது.ரிலையன்ஸ்:தொலைதொடர்பு சேவையை பயன்படுத்துவோர் எண்ணிக்கை, சென்ற ஜூலை மாதம், முதன் முறையாக, 2.07 கோடி குறைந்துள்ளது. இதில், அலைபேசி சந்தாதாரரின் எண்ணிக்கை 2.06 கோடி என்ற அளவில் உள்ளது.
மதிப்பீட்டு மாதத்தில், ரிலையன்ஸ் கம்யூனிகேஷன்ஸ் நிறுவனம், மிகவும் அதிக அளவில், அதாவது 2.04 கோடி வாடிக்கையாளர்களை இழந்துள்ளது. 60 நாட்களாக தொடர்ந்து தொலைதொடர்பு சேவையை பயன்படுத்தாமல் உள்ளவர்களை நீக்கியதே, எண்ணிக்கை குறைய காரணம் என, இந்நிறுவனம் தெரிவித்துள்ளது.சென்ற ஜூலை மாதம், இந்நிறுவனத்தின் ஒட்டு மொத்த வாடிக்கையாளர் எண்ணிக்கை, 13.40 கோடியாக குறைந்துஉள்ளது. இது, ஜூன் மாதம் 15.40 கோடியாக இருந்தது.
இதே காலத்தில் டாட்டா டெலிசர்வீசஸ் நிறுவனம் :24 லட்சம் அலைபேசி சந்தாதாரர்களை இழந்துள்ளது. அடுத்த இடங்களில் யூனினார் (10 லட்சம்), வீடியோகோன் (4.10 லட்சம்), லூப் மொபைல் (1.50 லட்சம்), எம்.டி. என்.எல்., (1.50 லட்சம்) ஆகிய நிறுவனங்கள் உள்ளன.பார்தி ஏர்டெல்:அதே சமயம், இதே காலத்தில், பார்தி ஏர்டெல் நிறுவனத்தின் ஒட்டுமொத்த சந்தாதாரர் எண்ணிக்கை 15 லட்சம் அதிகரித்து, 18.8 கோடியாக உயர்ந்து உள்ளது.
வோடோபோன் நிறுவனத்தின் வாடிக்கையாளர் எண்ணிக்கை, 12 லட்சம் அதிகரித்து 15.40 கோடியாக உயர்ந்து உள்ளது. இதே காலத்தில், ஐடியா செலுலார் (4.5 லட்சம்), ஏர்செல் (2.80 லட்சம்), சிஸ்டெமா ஷியாம் (1.60 லட்சம்), பீ.எஸ்.என்.எல்., (4.70 லட்சம்) ஆகிய நிறுவனங்கள், புதிய வாடிக்கையாளர்களை இணைத்துக் கொண்டுள்ளன.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 10,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 10,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 10,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 10,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 10,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்