பதிவு செய்த நாள்
28 செப்2012
15:51
டாடா மோட்டார்ஸ் நிறுவனத்தின் சரக்கு வாகன வர்த்தக பிரிவு (சி.வி.பி.யூ.,), புதிதாக, 6 டிரக்குகளை அறிமுகப்படுத்தியுள்ளது. எரிபொருள் சிக்கன், நீண்ட தூரம் செல்வதற்கான திறன், டிரைவருக்கு சவுகரியமான வசதியை ஏற்படுத்தி கொடுப்பது, வாகன உரிமையாளரின் ஒட்டுமொத்த செலவை குறைப்பது ஆகிய அம்சங்களுடன் இந்த டிரக்குகள் அறிமுகப்படுத்தப்பட்டுள்ளன.
டாடா எல்.பி.டி.,3723 என்ற டிரக், 5 ஆக்ஸில் ரிஜ்ஜிட் டிரக் என அழைக்கப்படுகிறது. ஏற்கனவே உள்ள, 31 டன் எடையை சுமக்க கூடிய, மல்டி ஆக்ஸில் டிரக்கை விட, இந்த புதிய டிரக், கூடுதலாக 4.5 டன் எடையை சுமக்க கூடியது. இதன் மூலம், சரக்கு வாகன போக்குவரத்து செலவு குறையும்.
டாடா பிரைமா 3138.கே என்ற டிரக், நிலக்கரி மற்றும் இரும்பு தாது சுரங்கங்களுக்காக உருவாக்கப்பட்டது.
டாடா பிரைமா 4938.எஸ் என்ற டிரக், காற்றாலை உற்பத்தி நிறுவனங்களுக்கானது.
டாடா பிரைமா 230 ஹெச்.பி., - எல்எக்ஸ் என்ற டிரக், சரக்கு போக்குவரத்துக்கு மிகவும் உதவிகரமாக இருக்கும்.
டாடா எல்பி.கே.3118 என்ற டிரக், நிலக்கரி, மணல், துறைமுக பணி போன்ற துறைகளுக்கு ஏதுவாக இருக்கும்.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|