பதிவு செய்த நாள்
30 செப்2012
00:23
சென்ற ஆகஸ்ட் மாதத்தில், பொது காப்பீட்டு நிறுவனங்களின், பிரிமியம் வருவாய், கடந்த ஆண்டின் இதே மாதத்தை விட, 13.8 சதவீதம் வளர்ச்சி கண்டுள்ளது. சென்ற ஆகஸ்ட் மாதத்தில், இந்நிறுவனங்கள் திரட்டிய பிரிமியம் வருவாய், 5,779.57 கோடி ரூபாயாக உயர்ந்துள்ளது என, காப்பீட்டு ஒழுங்குமுறை மற்றும் மேம்பாட்டு ஆணையம் (ஐ.ஆர்.டீ.ஏ.,),தெரிவித்துள்ளது.
நடப்பு நிதியாண்டில், ஏப்ரல் முதல் ஆகஸ்ட் வரையிலான, ஐந்து மாதங்களில், இந்நிறுவனங்களின் பிரிமியம் வருவாய், கடந்த ஆண்டின் இதே காலத்தை விட, 17.6 சதவீதம் வளர்ச்சி கண்டு, 27,942 கோடி ரூபாயாக உயர்ந்துள்ளது.தனியார் பொது காப்பீட்டு நிறுவனங்களுள், எஸ்.பீ.ஐ. ஜெனரல் இன்சூரன்ஸ் நிறுவனத்தின் பிரிமியம் வருவாய், இதே காலத்தில், 216 சதவீதம் வளர்ச்சி கண்டுள்ளது. மேக்ஸ் பூபா ஹெல்த் இன்சூரன்ஸ் நிறுவனத்தின் இந்த வருவாய், 105 சதவீதம் உயர்ந்துள்ளது.
அதேசமயம், ஸ்டார் ஹெல்த் அண்டு அலைடு இன்சூரன்ஸ் நிறுவனத்தின் பிரிமியம் வருவாய், இதே காலத்தில், 42.7 சதவீதம் சரிவடைந்துள்ளது. நடப்பு நிதியாண்டின், ஏப்ரல் முதல் ஜூலை வரையிலான, நான்கு மாத காலத்தில், தனியார் துறை பொது காப்பீட்டு நிறுவனங்களின் பிரிமியம் வருவாய், கடந்த ஆண்டின் இதே காலத்தை விட, 18.3 சதவீதம் உயர்ந்துள்ளது.பொதுத் துறையை சேர்ந்த, நான்கு பொது காப்பீட்டு நிறுவனங்களின் பிரிமியம் வருவாய், 17.18 சதவீதம் அதிகரித்துள்ளது.இந்நிலையில், பொதுத் துறையை சேர்ந்த அக்ரிகல்சர் இன்சூரன்ஸ் கம்பெனி ஆப் இந்தியா நிறுவனத்தின் பிரிமியம் வருவாய், 3.9 சதவீதம் குறைந்துள்ளது என, ஐ.ஆர்.டீ.ஏ., தெரிவித்துள்ளது.- பிசினஸ் ஸ்டாண்டர்ட் உடன் இணைந்து -
மேலும் பொது செய்திகள்
|
Advertisement
|
Advertisement
|
Advertisement
|
|
|
|