சென்னை: உள்நாட்டில், டிராக்டர் விற்பனை, ஒட்டு மொத்த அளவில், ஆண்டுக்கு, 20 சதவீத வளர்ச்சி கண்டு வருகிறது. இதையடுத்து, தற்போது, 5 லட்சம் என்ற அளவில் உள்ள டிராக்டர் விற்பனை, வரும் 2015ம் ஆண்டிற்குள், 8.6 லட்சத்தை தாண்டும் என, "அசோசெம்' மதிப்பீடு செய்துள்ளது.நாட்டின் ஒட்டு மொத்த டிராக்டர் விற்பனையில், பஞ்சாப், அரியானா, உத்தர பிரதேசம் உள்ளிட்ட வட மாநிலங்களின் பங்களிப்பு, 55 சதவீதம் என்ற அளவில் உள்ளது. இதற்கு அடுத்தாற்போல், மேற்கு மாநிலங்கள் ( 24 சதவீதம்), தென் மாநிலங்கள் (15 சதவீதம்), கிழக்கு மாநிலங்கள் (6 சதவீதம்) உள்ளன.சர்வதேச அளவில், டிராக்டர் தயாரிப்பில், மூன்றில், ஒரு சதவீத பங்களிப்பை கொண்டு, இந்தியா முன்னணி நாடுகளில் ஒன்றாக விளங்குகிறது.
உள்நாட்டில் டிராக்டர் தயாரிப்பில், நாடு தழுவிய அளவில், 13 நிறுவனங்களும், மண்டல அளவில் சில நிறுவனங்களும் ஈடுபட்டு வருகின்றன.டிராக்டர் விற்பனையில், மகிந்திரா அண்டு மகிந்திரா நிறுவனம், 40 சதவீத பங்களிப்பை கொண்டு முதலிடத்தில் உள்ளது. இதையடுத்து, டாபே (23 சதவீதம்), எஸ்கார்ட்ஸ் (13 சதவீதம்), எல் அண்டு டி- ஜான் டியர் (10 சதவீதம்) நிறுவனங்கள் உள்ளன.டிராக்டரின் சராசரி பயன்பாடு, 10-12 ஆண்டுகள் என்ற நிலையிலிருந்து, ஒன்பது ஆண்டுகளாக குறைந்து உள்ளது. இதையடுத்து, பழைய டிராக்டரை கொடுத்து, புதிய டிராக்டரை வாங்குவது அதிகரித்து வருகிறது. உள்நாட்டு விற்பனையில், இவ்வகை டிராக்டர் களின் பங்களிப்பு, 40 சதவீதம் என்ற அளவில் உள்ளது.உள்நாட்டு நிறுவனங்களின் தயாரிப்பில், 31 முதல் 42 குதிரைத் திறன் கொண்ட நடுத்தர வகை டிராக்டர்களின் பங்களிப்பு, 42 சதவீதம் என்ற அளவில் உள்ளது. எனினும், உயர் மற்றும் குறைந்த குதிரைத் திறன் கொண்ட டிராக்டர்களுக்கான தேவை அதிகரித்து வருகிறது என, "அசோசெம்' அமைப்பு தெரிவித்துள்ளது.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 17,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 17,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 17,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 17,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 17,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்