பதிவு செய்த நாள்
01 நவ2012
15:25
புதுடில்லி: 14.2 கிலோ எடை கொண்ட மானியமில்லாத காஸ் சிலண்டர் விலை ரூ. 26.5 உயர்த்தப்பட்டு, தற்போது ரூ. 922 ஆக உள்ளது. மத்திய அரசு கடந்த செப்டம்பர் மாதம் வீடுகளுக்கு மானிய விலையில் வழங்கப்படும் சமையல் காஸ் சிலண்டர்களின் எண்ணிக்கையை 6 ஆக நிர்ணயம் செய்தது. 6 சிலிண்டர்களுக்கு மேல் உபயோகப்படுத்துபவர்கள் மானியமில்லா விலையிலேயே வாங்க வேண்டும் என அறிவுறுத்தப்பட்டனர். மானியமில்லா சிலிண்டர்களின் விலை ஒவ்வொரு மாதமும் 1ம் தேதி நிர்ணயம் செய்யப்படுகிறது. சிலண்டர்களின் இறக்குமதி விலை மற்றும் அமெரிக்க டாலருக்கு எதிரான இந்திய ரூபாயின் மதிப்பு ஆகியவற்றை கணக்கில் கொண்டு சிலண்டர்களின் விலை நிர்ணயிக்கப்படுகிறது. இந்நிலையில், 14.2 கிலோ எடை கொண்ட மானியமில்லாத சிலண்டர்களின் விலை ரூ. 26.5 உயர்த்தப்பட்டுள்ளதாக, இந்தியன் ஆயில் கார்ப்பரேஷன் தெரிவித்துள்ளது. கடந்த மாதம் டில்லியில், 895.5 ஆக இருந்த சிலண்டர், தற்போது 26.5 உயர்த்தப்பட்டு தற்போது 922 ஆக உள்ளது. இதே அளவுள்ள மானிய சிலிண்டர்களின் விலை ரூ. 410.42 என்ற அளவில் உள்ளது குறிப்பிடத்தக்கது. இதே போல், வர்த்தகப்பயன்பாட்டிற்கான சிலிண்டர்களின் விலை 14.2 கிலோ எடை கொண்ட சிலிண்டர் ரூ. 1105.5ம், 19 கிலோ எடை கொண்ட சிலிண்டர் ரூ. 1551 ஆகவும் உயர்த்தப்பட்டுள்ளது. கடந்த மாதம் இந்த சிலிண்டர்கள் முறையே, ரூ. 1075 மற்றும் 1536.5 ஆக இருந்தது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|