புதுடில்லி: நாட்டின் தொழில் துறை உற்பத்தி, சென்ற செப்டம்பர் மாதத்தில், மைனஸ் 0.4 சதவீதமாக குறைந்துள்ளது. சென்ற ஆண்டின், இதே மாதத்தில், தொழில் துறை உற்பத்தி, 2.5 சதவீதம் என்ற அளவில் வளர்ச்சி கண்டிருந்தது. சென்ற செப்டம்பர் மாதத்தில், தொழில் துறை உற்பத்தி பின்னடைவை கண்டுள்ளது என்றாலும், முந்தைய ஆகஸ்ட் மாதத்தில், இதன் வளர்ச்சி, 2.3 சதவீதமாக சற்று அதிகரித்து காணப்பட்டது என, மத்திய அரசு வெளியிட்டுள்ள புள்ளி விவரத்தில் தெரிவிக்கப்பட்டுள்ளது. நடப்பு 2012 - 13ம் நிதியாண்டின், ஏப்ரல் முதல் செப்டம்பர் வரையிலான, ஆறு மாத காலத்தில், தொழில் துறை உற்பத்தி வளர்ச்சி, 1 சதவீதமாக சரிவடைந்துள்ளது. இது, சென்ற நிதியாண்டின், இதே காலத்தில், 5.1 சதவீதம் என்ற அளவில் மிகவும் அதிகரித்து காணப்பட்டது என்பது குறிப்பிடத்தக்கது. தொழில் துறை உற்பத்தி குறியீட்டு எண் (ஐ.ஐ.பி.,) கணக்கிடுவதில், தயாரிப்பு துறையின் பங்களிப்பு, 75 சதவீதம் என்ற அளவில் உள்ளது. சென்ற செப்டம்பர் மாதத்தில், இத்துறையின், உற்பத்தி மைனஸ், 1.5 சதவீதமாக குறைந்துள்ளது. அதேசமயம், கடந்த ஆண்டின், இதே மாதத்தில், தயாரிப்பு துறையின் வளர்ச்சி, 3.1 சதவீதமாக இருந்தது. சென்ற ஏப்ரல் முதல் செப்டம்பர் வரையிலான காலத்தில், தயாரிப்பு துறையின் உற்பத்தி, மைனஸ் 0.4 சதவீதம் என்ற அளவில் சரிவடைந்துள்ளது. அதேசமயம், கடந்த நிதியாண்டின், இதே காலத்தில், இத்துறையின் உற்பத்தி வளர்ச்சி, 5.5 சதவீதம் என்ற அளவில் அதிகரித்து காணப்பட்டது.சென்ற செப்டம்பர் மாதத்தில், பொறியியல் துறையின் உற்பத்தி வளர்ச்சி, 12.2 சதவீதம் என்ற அளவில் உள்ளது. இது, கடந்த ஆண்டு இதே மாதத்தில், மைனஸ் 6.5 சதவீதம் என்ற அளவில் குறைந்திருந்தது.பொறியியல் துறையின் உற்பத்தி வளர்ச்சி, நடப்பு நிதியாண்டின், ஏப்ரல் முதல் செப்டம்பர் வரையிலான காலத்தில், மைனஸ் 13.7 சதவீதமாக பின்னடைவை கண்டுள்ளது. அதேசமயம், கடந்த நிதியாண்டின் இதே காலத்தில், இத்துறையின் உற்பத்தி வளர்ச்சி, 4.6 சதவீதம் என்ற அளவில் உயர்ந்திருந்தது.நடப்பாண்டு, செப்டம்பர் மாதத்தில், சுரங்க துறையின் உற்பத்தி வளர்ச்சி, 5.5 சதவீதம் என்ற அளவில் உயர்ந்துள்ளது. இது, கடந்த ஆண்டு இதே மாதத்தில், மைனஸ் 7.5 சதவீதம் என்ற அளவில் பின்னடவை கண்டிருந்தது.ஏப்ரல் முதல் செப்டம்பர் வரையிலான காலத்தில், சுரங்க துறையின் உற்பத்தி, எவ்வித மாறுதலும் இன்றி பூஜ்ஜியமாக உள்ளது. இது, சென்ற நிதியாண்டின் இதே காலத்தில், மைனஸ் 1.6 சதவீதம் என்ற அளவில் பின்னடைவை கண்டிருந்தது.சென்ற செப்டம்பர் மாதத்தில், நுகர்பொருட்கள் துறையின் உற்பத்தி வளர்ச்சி, 0.3 சதவீதம் என்ற அளவில் குறைந்துள்ளது. இது, கடந்த ஆண்டின், இதே மாதத்தில், 5.7 சதவீதம் என்ற அளவில் சிறப்பாக வளர்ச்சி கண்டிருந்தது.நடப்பு நிதியாண்டின், ஏப்ரல் முதல் செப்டம்பர் வரையிலான, ஆறு மாத காலத்தில், நுகர்பொருட்கள் துறையின் உற்பத்தி வளர்ச்சி, 2.5 சதவீதமாக சற்று குறைந்துள்ளது. இது, கடந்த நிதியாண்டின், இதே காலத்தில், 4.7 சதவீதம் என்ற அளவில் காணப்பட்டது.நுகர்வோர் சாதனங்கள் துறையின் உற்பத்தி வளர்ச்சி, சென்ற செப்டம்பர் மாதத்தில், 1.7 சதவீதம் என்ற அளவில் குறைந்துள்ளது. இது, கடந்த ஆண்டின், இதே மாதத்தில், 8.9 சதவீதமாக மிகவும் உயர்ந்து காணப்பட்டது.நடப்பு நிதியாண்டின், ஏப்ரல் முதல் செப்டம்பர் வரையிலான, ஆறு மாத காலத்தில், நுகர்வோர் சாதனங்கள் துறையின் உற்பத்தி வளர்ச்சி, 3.8 சதவீதமாக சற்று அதிகரித்துள்ளது. இது, கடந்த நிதியாண்டின், இதே காலத்தில், 5.3 சதவீதமாக இருந்தது.சென்ற செப்டம்பர் மாதத்தில், அடிப்படை பொருட்கள் துறையின் உற்பத்தி வளர்ச்சி, 3.5 சதவீதமாக உள்ளது. இது, கடந்த ஆண்டின், இதே மாதத்தில், 5.3 சதவீதம் என்ற அளவில் அதிகரித்திருந்தது. நடப்பு நிதியாண்டின், முதல் ஆறு மாத காலத்தில், இத்துறையின் உற்பத்தி வளர்ச்சி, 2.9 சதவீதமாக உயர்ந்துள்ளது. இது, கடந்த நிதியாண்டின், இதே காலத்தில், 7.3 சதவீதம் என்ற அளவில் அதிகரித்திருந்தது.நடப்பாண்டு, செப்டம்பர் மாதத்தில், மின்சார துறையின் உற்பத்தி வளர்ச்சி, 3.9 சதவீதமாக குறைந்துள்ளது. அதேசமயம், கடந்த ஆண்டின், இதே மாதத்தில், இத்துறையின் உற்பத்தி வளர்ச்சி, 9 சதவீதம் என்ற அளவில் மிகவும் அதிகரித்திருந்தது.நடப்பு நிதியாண்டின், ஏப்ரல் முதல் செப்டம்பர் வரையிலான ஆறு மாத காலத்தில், மின்சார துறையின் உற்பத்தி வளர்ச்சி, 4.6 சதவீதமாக உயர்ந்துள்ளது. இது, சென்ற நிதியாண்டின், இதே காலத்தில், 9.4 சதவீதம் என்ற அளவில் உயர்ந்திருந்தது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 13,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 13,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 13,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 13,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 13,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்