புதுடில்லி:நாட்டின் தொழில் துறை உற்பத்தி வளர்ச்சி, சென்ற அக்டோபர் மாதத்தில், 8.2 சதவீதமாக அதிகரித்துள்ளது. இது, கடந்த ஆண்டின், இதே மாதத்தில், மைனஸ் 5 சதவீதம் என்ற அளவில் மிகவும் பின்னடைவை கண்டிருந்தது.சென்ற அக்டோபர் மாதத்தில், தயாரிப்பு, மின்சாரம், பொறியியல், நுகர்பொருட்கள் ஆகிய துறைகளின் உற்பத்தி, நன்கு இருந்ததை அடுத்து, ஒட்டுமொத்த அளவில், நாட்டின் தொழில் துறை உற்பத்தி வளர்ச்சிகண்டுள்ளதாக, மத்திய அரசு வெளியிட்டுள்ள புள்ளி விவரத்தில் தெரிவிக்கப்பட்டுள்ளது.
மறுமதிப்பீடு:நடப்பு 2012-13ம் நிதியாண்டின், ஏப்ரல் முதல் அக்டோபர் வரையிலான, ஏழு மாத காலத்தில், நாட்டின் தொழில் துறை உற்பத்தி, 1.02 சதவீதம் என்ற குறைந்த அளவில் வளர்ச்சி கண்டுள்ளது. இது, கடந்த நிதியாண்டின், இதே காலத்தில், 3.6 சதவீதம் என்ற அளவில் அதிகரித்து காணப்பட்டது.இந்நிலையில், சென்ற செப்டம்பர் மாதத்தில், நாட்டின் தொழில் துறை உற்பத்தி, தற்காலிக மதிப்பீட்டில், மைனஸ் 0.4 சதவீதம் என்ற அளவில் இருந்ததாக அறிவிக்கப்பட்டிருந்தது. இது, மறுமதிப்பீட்டில், மைனஸ் 0.7 சதவீதமாக உயர்ந்துள்ளது.
தொழில் துறை உற்பத்தி குறியீட்டு எண் கணக்கிடுவதில், தயாரிப்பு துறையின் பங்களிப்பு, 75 சதவீதம் என்ற அளவில் உள்ளது. இத்துறை, சென்ற அக்டோபர் மாதத்தில், 9.6 சதவீதமாக வளர்ச்சி கண்டுள்ளது. அதேசமயம், இது, கடந்த ஆண்டின், இதே மாதத்தில், மைனஸ் 6 சதவீதம் என்ற அளவில் பின்னடைவை கண்டிருந்தது.நடப்பு நிதியாண்டின், ஏப்ரல் முதல் அக்டோபர் வரையிலான காலத்தில், தயாரிப்பு துறையின் உற்பத்தி வளர்ச்சி, 1 சதவீதம் என்ற குறைந்த அளவில் வளர்ச்சி கண்டுள்ளது. அதேசமயம், கடந்த நிதியாண்டின், இதே காலத்தில், இத்துறையின் உற்பத்தி வளர்ச்சி, 3.8 சதவீதம் என்ற அளவில் மிகவும் அதிகரித்து காணப்பட்டது.
நடப்பாண்டு அக்டோபரில், பொறியியல் துறையின் உற்பத்தி வளர்ச்சி, 7.5 சதவீதம் என்ற அளவில் உயர்ந்துள்ளது. அதேசமயம், கடந்த ஆண்டின், இதே மாதத்தில், இத்துறையின் உற்பத்தி, மைனஸ் 26.20 சதவீதம் என்ற அளவில் மிகவும் பின்னடைவை கண்டிருந்தது.நடப்பு நிதியாண்டின், அக்டோபர் வரையிலான ஏழு மாத காலத்தில், பொறியியல் துறையின் உற்பத்தி, மைனஸ் 11.4 சதவீதம் என்ற அளவில் பின்னடைவை கண்டுள்ளது. இது, கடந்த நிதியாண்டின், இதே காலத்தில், மைனஸ் 0.5 சதவீதம் என்ற அளவில் இருந்தது.
நுகர்பொருட்கள்:சென்ற அக்டோபர் மாதத்தில், நுகர்பொருட்கள் துறையின் உற்பத்தி, 13.2 சதவீதம் என்ற அளவில், இரட்டை இலக்க வளர்ச்சி கண்டுள்ளது. அதேசமயம், கடந்த ஆண்டின், இதே மாதத்தில், இத்துறையின் உற்பத்தி வளர்ச்சி, 0.1 சதவீதம் என்ற அளவில் இருந்தது.ஏப்ரல் முதல் அக்டோபர் வரையிலான காலத்தில், நுகர்பொருட்கள் துறையின் உற்பத்தி வளர்ச்சி, அதிக மாற்றம் இன்றி, 4 சதவீதம் என்ற அளவில் நிலையாக இருந்தது.
சுரங்க துறை:நடப்பாண்டு அக்டோபரில், சுரங்க துறையின் உற்பத்தி, மைனஸ் 0.1 சதவீதம் என்ற அளவில் குறைந்துள்ளது. இது, கடந்த ஆண்டின், இதே மாதத்தில், மைனஸ் 5.9 சதவீதம் என்ற அளவில் மிகவும் பின்னடைவை கண்டிருந்தது.ஏப்ரல் முதல் அக்டோபர் வரையிலான காலத்தில், இத்துறையின் உற்பத்தி மைனஸ் 0.7 சதவீதம் என்ற அளவில் இருந்தது. இது, கடந்த ஆண்டின், இதே காலத்தில், மைனஸ் 2.2 சதவீதம் என்ற அளவில் இருந்தது.சென்ற அக்டோபர் மாதத்தில், நாட்டின், 22 தொழில் துறைகளில், 17 துறைகளின் உற்பத்தி, வளர்ச்சி கண்டுள்ளது.
நுகர்வோர் சாதனங்கள்:நடப்பாண்டு அக்டோபரில், நுகர்வோர் சாதனங்கள் துறையின் உற்பத்தி, 16.5 சதவீதம் என்ற அளவில் மிகவும் சிறப்பாக வளர்ச்சிகண்டுள்ளது. அதேசமயம், கடந்த ஆண்டின், இதே மாதத்தில், இத்துறையின் உற்பத்தி மைனஸ் 0.4 சதவீதம் என்ற அளவில் மிகவும் சரிவடைந்து காணப்பட்டது.அக்டோபர் வரையிலான ஏழு மாத காலத்தில், நுகர்வோர் சாதனங்கள் துறையின் உற்பத்தி வளர்ச்சி, 5.6 சதவீதம் என்ற அளவில் உயர்ந்திருந்தது. இது, கடந்த ஆண்டின், இதே காலத்தில், 4.5 சதவீதம் என்ற அளவில் இருந்தது.
நுகர்வோர் சாதனங்கள் அல்லாத இதர பிரிவுகளின் உற்பத்தி, சென்ற அக்டோபரில், 10.1 சதவீதம் என்ற அளவில், இரட்டை இலக்க வளர்ச்சிகண்டுள்ளது. இது, கடந்த ஆண்டின், இதே மாதத்தில், 0.5 சதவீதம் என்ற அளவில் இருந்தது.நடப்பு நிதியாண்டின், முதல் ஏழு மாத காலத்தில், இத்துறையின் உற்பத்தி, 2.7 சதவீதம் என்ற அளவில் வளர்ச்சி கண்டுள்ளது. இது, கடந்த ஆண்டின், இதே காலத்தில், 3.6 சதவீதம் என்ற அளவில் இருந்தது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 13,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 13,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 13,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 13,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 13,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்