உற்பத்தி செலவு அதிகரிப்பு, அன்னிய செலாவணி பரிமாற்றத்தில் காணப்படும் ஏற்றத்தாழ்வு ஆகிய காரணங்களால், மாருதி சுசூகி நிறுவனம் உட்பட, பல்வேறு கார் நிறுவனங்கள், ஜனவரி, 1ம் தேதி முதல், கார்களின் விலையை உயர்த்த உள்ளன. இது குறித்து மாருதி சுசூகி நிறுவனத்தின் தலைமை செயல்பாட்டு அதிகாரி (சந்தைப்படுத்துதல் மற்றும் விற்பனை) மயாங்க் பரீக் கூறுகையில்,"மாருதி சுசூகி நிறுவனம் விற்பனை செய்யும், பல்வேறு மாடல் கார்களின் விலை உயர்த்தப்படுகிறது. மாடலுக்கு தகுந்தார் போல், விலை உயர்வு இருக்கும். எனினும், மிக அதிகபட்சமாக, ரூ.20,000 வரை, விலை உயர்வு இருக்கும். அன்னிய செலாவணி பரிமாற்றத்தில் காணப்படும், ஏற்றத்தாழ்வு தான், விலை உயர்வுக்கு காரணம்,'' என்றார். மாருதி சுசூகி நிறுவனம், "மாருதி800' மாடல் காரில் இருந்து, வெளிநாட்டில் இருந்து இறக்குமதி செய்து, விற்பனை செய்யப்படும் "கிஸாஷி' வரை, பல்வேறு மாடல் கார்களை, இந்தியாவில் விற்பனை செய்து வருகிறது. இந்த மாடல் கார்களின், எக்ஸ்ஷோரூம், டில்லி, விலை ரூ.2.09 லட்சத்தில் இருந்து, ரூ.17.52 லட்சம் வரை உள்ளது. இதேபோல டொயோட்டா கிர்லோஸ்கர் மோட்டார் நிறுவனமும், ஜனவரி, 1ம் தேதி முதல், தங்களது மாடல் கார்களின் விலையில், 1 முதல் 2 சதவீதம் வரை, உயர்வு இருக்கும் என்று தெரிவித்துள்ளது. இந்த நிறுவனம், "எதியோஸ் லிவா' முதல், வெளி
நாட்டில் இருந்து இறக்குமதி செய்து விற்பனை செய்யப்படும், "லேண்ட் குரூஸர்' வரை, பல மாடல் கார்களை விற்பனை செய்து வருகிறது. இந்த கார்களின் எக்ஸ்ஷோரூம், டில்லி, விலை, ரூ.4.44 லட்சத்தில் இருந்து, ரூ.99.27 லட்சம் வரை உள்ளது. மாருதி,டொயோட்டா நிறுவனங்களை தொடர்ந்து, ஹோண்டா கார்ஸ் நிறுவனமும், வோக்ஸ்வாகன் நிறுவனமும், கார்களின் விலையை உயர்த்தும் திட்டம் உள்ளது என்று தெரிவித்துள்ளன. ஜெனரல் மோட்டார்ஸ் நிறுவன கார்களின் விலை, 1 சதவீதத்திலிருந்து, 3 சதவீதம் வரை உயர வாய்ப்பு உள்ளது என, அந்நிறுவனத்தின், துணை தலைவர் பாலேந்திரன் தெரிவித்துள்ளார்.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 20,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 20,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 20,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 20,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 20,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்