திருப்பூர்:மத்திய அரசு, ஆடை ஏற்றுமதி வாயிலான விற்றுமுதலில், 15 சதவீதத்தை, மூலப் பொருள்களின் இறக்குமதிக்கு அனுமதித்தால், இத்துறையின் ஏற்றுமதி மூன்று மடங்காக உயரும் என, ஆயத்த ஆடை ஏற்றுமதி மேம்பாட்டு குழு தலைவர் சக்திவேல் தெரிவித்தார்.
அவர் மேலும் கூறியதாவது:ஆயத்த ஆடைகள் துறை, கடந்த மூன்று ஆண்டு கால மந்த நிலையில் இருந்து, விடுபட்டு வருகிறது. நடப்பு 2013ம் ஆண்டு, ஜவுளித் துறை ஏற்றுமதியில், குறிப்பாக, கடந்த இரண்டு மாதங்களாக, ஆயத்த ஆடைகள் மற்றும் பின்னலாடைகளுக்கான ஆர்டர்கள் அதிகரித்துள்ளன.அடுத்த மூன்று ஆண்டுகளில், ஆடைகள் ஏற்றுமதி, 1,400 கோடி டாலரில் இருந்து, முன்று மடங்கு உயரும் வாய்ப்புள்ளது. இவ்வாறு சக்திவேல் தெரிவித்தார்.