பதிவு செய்த நாள்
07 ஜன2013
23:49
புதுடில்லி :சர்வதேச காபி ஏற்றுமதி, சென்ற நவம்பர் மாதத்தில், 17 சதவீதம் அதிகரித்து, 92 லட்சம் மூட்டைகளாக (ஒரு மூட்டை=60 கிலோ) வளர்ச்சி கண்டுள்ளது.இது, அக்டோபர் மாதத்தில், 89 லட்சம் மூட்டைகளாகவும், முந்தைய, 2011ம் ஆண்டு நவம்பரில், 79 லட்சம் மூட்டைகளாகவும் இருந்தன. ஆக, தொடர்ந்து இரண்டு மாதங்களாக, சர்வதேச அளவிலான காபி ஏற்றுமதி உயர்ந்துள்ளது என, சர்வதேச காபி கூட்டமைப்பு தெரிவித்துள்ளது.நடப்பு 2012-13ம் பருவத்தில் (அக்.,-செப்.,), அக்டோபர் - நவம்பர் மாத காலத்தில், ஒட்டு மொத்த காபி ஏற்றுமதி, 21 சதவீதம் வளர்ச்சி கண்டு, 1.87 கோடி மூட்டைகளாக அதிகரித்துள்ளது. இது, கடந்த 2011-12ம் பருவத்தின் இதே காலத்தில், 1.54 கோடி மூட்டைகளாக இருந்தது.சென்ற 2011-12ம் முழு பயிர் பருவத்தில், சர்வதேச காபி ஏற்றுமதி 3 சதவீதம் வளர்ச்சி கண்டு, 10.47 கோடி மூட்டைகளிலிருந்து, 10.78 கோடி மூட்டைகளாக உயர்ந்து காணப்பட்டது.நடப்பு பயிர் பருவத்தில், சர்வதேச காபி உற்பத்தி, 8 சதவீதம் உயர்ந்து, 14.60 கோடி மூட்டைகளாக உயரும் என, சர்வதேச காபி கூட்டமைப்பு மேலும் தெரிவித்துள்ளது.
மேலும் கம்மாடிட்டி செய்திகள்
|
Advertisement
|
Advertisement
|
Advertisement
|
|
|
|