மும்பை: வங்கிகளில் தற்போது, 10 ஆயிரம் ரூபாய்க்கு மேற்பட்ட வட்டி வருவாய்க்கு, மூல வரியாக குறைந்தபட்சம், 10 சதவீதம் பிடித்தம் செய்யப்படுகிறது.இந்த வரம்பை, 50 ஆயிரம் ரூபாயாக உயர்த்த வேண்டும் என, வங்கிகள் கூட்டமைப்பு, வருவாய் துறையிடம் கோரிக்கை வைத்துள்ளது. சீரான வரி விதிப்புநேரடி வரிகள் விதிகளின்படி, சீரான வரி விதிப்பு மற்றும் வருவாய் மீதான பணவீக்கத்தின் அடிப்படையில், இந்நடவடிக்கை மேற்கொள்ள வேண்டும் என, வங்கிகள் கூட்டமைப்பு வலியுறுத்தியுள்ளது.மேலும், இத்தகைய நடைமுறையால், வங்கிகள் மற்றும் வருமான வரித்துறையில், குறிப்பிடத்தக்க அளவிற்கு ஆவணப் பணி, மனிதவளம் ஆகியவை குறையும் என, தெரிவிக்கப்பட்டுள்ளது.மேலும், பொருளாதாரத்தில் நலிவுற்ற பிரிவினர், வயதானவர்கள் ஆகியோரிடம், வருமான வரி கணக்கு எண் (பான் அட்டை) இல்லையென்றாலும், அவர்களின் டெபாசிட் மீதான வட்டி வருவாயில், 15 ஜி அல்லது, 15 எச் படிவத்தின் அடிப்படையில், மூல வரி பிடித்தமின்றி வழங்கவும் அனுமதி கோரப்பட்டுள்ளது.தற்போது, பான் அட்டை இல்லாமல், 15 ஜி அல்லது 15 எச் படிவம் அளித்தால், வட்டி வருவாயில் 20 சதவீதம் மூல வரியாக பிடித்தம் செய்யப்படுகிறது. பான் அட்டை அளித்தால், ஆண்டுக்கு, 10ஆயிரம் ரூபாய்க்கு மேற்பட்ட வட்டி வருவாய்க்கு, 10 சதவீத மூல வரி பிடித்தம் செய்யப்படுகிறது.வாடிக்கையாளர்கள் 60 வயதிற்கு உட்பட்டவர்கள், தாங்கள் வருமான வரி வரம்பிற்குள் இல்லை என, சுயமாக தெரிவிப்பதற்கு படிவம், 15 ஜி பயன்படுகிறது. 60, வயதிற்கு மேற்பட்டவர்கள், 15 எச் படிவம் பயன்படுத்த வேண்டும்.வங்கிகளின் கோரிக்கை ஏற்கப்பட்டால், பொருளாதாரத்தில் நலிவுற்றோர், வங்கிகளில் கணக்கு வைத்துள்ள மூத்த குடிமக்கள் பயன் அடைவர்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 15,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 15,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 15,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 15,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 15,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்