பதிவு செய்த நாள்
22 ஜன2013
01:12
புதுடில்லி:சென்ற நவம்பர் மாதத்தில், நாட்டின் கனிமங்கள் உற்பத்தி மதிப்பு, 17,004 கோடி ரூபாயாக, சற்று சரிவடைந்துள்ளது. இது, இதற்கு முந்தைய மாதத்தில், மேற்கொள்ளப்பட்ட உற்பத்தியை விட, 0.7 சதவீதம் குறைவாகும்.ஒட்டு மொத்த அளவில், நாட்டின் கனிமங்கள் உற்பத்தி குறைந்ததற்கு, இரும்புத் தாது, இயற்கை எரிவாயு மற்றும் கச்சா எண்ணெய் உற்பத்தி குறைந்தது தான் காரணம் என, மத்திய கனிமத் துறை அமைச்சகம் வெளியிட்டுள்ள, புள்ளி விவரத்தில் தெரிவிக்கப்பட்டுள்ளது.
சென்ற நவம்பரில், கனிமங்கள் துறையின் உற்பத்தி, 5.5 சதவீதம் என்ற அளவில், பின்னடைவை கண்டிருந்தது.கணக்கீட்டு மாதத்தில், கச்சா எண்ணெய் உற்பத்தி, 3 சதவீதம் சரிவடைந்துள்ளது. அதேபோன்று, இரும்புத் தாது மற்றும் இயற்கை எரிவாயு உற்பத்தி முறையே, 5.7 சதவீதம் மற்றும் 5 சதவீதம் என்ற அளவில் குறைந்துள்ளது.
கணக்கீட்டு மாதத்தில், கச்சா எண்ணெய், இரும்புத் தாது மற்றும் இயற்கை எரிவாயு உற்பத்தி, முறையே, 31 லட்சம் டன், 98 லட்சம் டன் மற்றும் 316.20 கோடி கன மீட்டர் என்ற அளவில் இருந்தது.நாட்டின் ஒட்டு மொத்த கனிமங்கள் உற்பத்தியில், கச்சா எண்ணெய், நிலக்கரி, இரும்புத் தாது, இயற்கை எரிவாயு, பழுப்பு நிலக்கரி மற்றும் சுண்ணாம்புக்கல் ஆகியவற்றின் பங்களிப்பு, 95 சதவீதம் என்ற அளவில் உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|