பதிவு செய்த நாள்
30 ஜன2013
14:33
ரியர் வியூ மிர்ரர் என்பது ஓட்டுனர் இருக்கையின் கதவின் வெளிப்புறம் இருக்கும், பின்புறம் வரும் வாகனங்களை துல்லியமாய் காட்டக்கூடியது என்பதும் அதை சரியாக அட்ஜஸ்ட் செய்துக்கொள்வது ஓட்டுனரின் பொறுப்பு என்பதும் அனைவரும் அறிந்ததே. ஆனால் இந்த கண்ணாடியை அட்ஜஸ்ட் செய்வதில் பல விஷயங்கள் இருக்கிறது என்பது எல்லோருக்கும் தெரிந்திருக்க நியாயமில்லை. காரின் உட்புறம் நடுவில் இருக்கும் கண்ணாடியில் நாம் பின்புறம் வரும் காரை பார்ப்போம். அடுத்து அது நம் பக்கத்தில் கடந்து செல்வதைப் பார்க்கலாம். அந்த கார் இடைப்பட்ட சில நொடிகள் எங்கிருந்தது என்பதே தெரியாமல் சிறிது நேரம் இருக்கும். உட்புறக்
கண்ணாடியில் பார்த்த நேரத்திற்கும், நம்மை அது கடந்து சென்ற நேரத்திற்கும் இடையே அந்த கார் சிறிது நொடிகள் நம் கண்ணாடியில் தெரியாமல் போகும். இதற்கு காரணம் அந்த நேரம் அந்த காரின் பிம்பம் நம் ரியர் வியூ மிர்ரரின் வெளிப்புற ஓரத்தில் விழுந்திருக்கும். அதை சரியாக அட்ஜஸ்ட் செய்யாத கண்ணாடியில் நம்மால் பார்க்க முடியாது. அந்த இடத்தை கண்ணாடியின் "பிளைன்ட் ஸ்பாட்' அல்லது "பெஸ்க்கி ஸ்பேஸ்' என்று குறிப்பிடுவர். இவ்வளவு பெரிய வாகனம் நம்மை கடக்கையில் எப்படி நம்மால் முன்கூட்டி பார்க்க முடியவில்லை என்பது ஆச்சரியமாய் இருக்கும். இம்மாதிரி சமயங்களில் நாம் உட்புற கண்ணாடியில் பார்த்த வாகனம் பின்புறம் தானே வருகிறதென்று வலப்புறமாக நகர்ந்தால் பின்புறம் நம்மை கடக்க முயலும் வாகனம் பாதி கடந்த நிலையில் என்ன செய்வது என தெரியாமல் விபத்து ஏற்படலாம். இந்த "பிளைன்ட் ஸ்பாட்' என்பது சில கார் கண்ணாடிகளில் பெரிய அளவிற்கும் தோன்றும். எனவே கார் கண்ணாடியை பின்புறம் நம் அருகே வரும் வாகனம் தெரியம் வண்ணம் சரியாக கவனித்து அட்ஜஸ்ட் செய்வது மிகவும் முக்கியம். ஹைவே டிரைவிங்கில் இந்த சிறு பாதுகாப்பு முறை பெரிய ஆபத்தை தவிர்க்க உதவும்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|