பதிவு செய்த நாள்
15 பிப்2013
00:10
மும்பை:சென்ற, 2012ம் ஆண்டில், இந்தியாவில், தங்கத்திற்கான தேவை, 12 சதவீதம் வீழ்ச்சி கண்டு, 864.20 டன்னாக சரிவடைந்து உள்ளது. இது, இதற்கு முந்தைய 2011ம் ஆண்டில், 986.30 டன்னாக அதிகரித்து காணப்பட்டது என, உலக தங்க கவுன்சில் தெரிவித்து உள்ளது.
பயன்பாடு:தங்கம் இறக்குமதி மீதான வரி அதிகரிப்பு, உள்நாட்டில் விலை உயர்வு போன்றவற் றால், சென்ற ஆண்டில், இதன் பயன்பாடு மிகவும் குறைந்து போனதாக தெரிவிக்கப்பட்டு உள்ளது.எனினும், நடப்பு, 2013ம் ஆண்டில், நாட்டின் தங்கம் பயன்பாடு, 11 சதவீதம் அதிகரித்து, 965 டன்னாக அதிகரிக்க வாய்ப்புள்ளது என, உலக தங்க கவுன்சில் தெரிவித்து உள்ளது.சென்ற, 2012ம் ஆண்டில், உள்நாட்டில் ஆபரணங்களுக் கான தேவை, 11 சதவீதம் சரிவடைந்து, 618.30 டன்னிலிருந்து, 552 டன்னாக வீழ்ச்சி கண்டது.
அதேசமயம்,மதிப்பின் அடிப்படையில் இதற்கான தேவை,8 சதவீதம் வளர்ச்சி கண்டு, 1.46லட்சம் கோடி யிலிருந்து, 1.58 லட்சம் கோடி ரூபாயாக அதிகரித்து உள்ளது. இதே போன்று, தங்கம் முதலீட்டிற்கான தேவை, 15 சதவீதம் சரிவடைந்து, 368 டன்னிலிருந்து, 312.20 டன்னாக குறைந்துள்ளது. அதேசமயம், மதிப்பின் அடிப்படையிலான, தங்கம் முதலீட்டிற்கான தேவை, 3 சதவீதம் உயர்ந்து, 86,936 கோடியிலிருந்து, 89,412 கோடி ரூபாயாக அதிகரித்து உள்ளது.
வளர்ச்சி:பொருளாதார சுணக்க நிலை, தங்கத்தின் விலை நிலவரம் ஆகியவை, இந்தியா மற்றும் சீன தங்கம் சந்தையில் பாதிப்பை ஏற்படுத்தி உள்ளது. இருப்பினும், கடந்த 10 ஆண்டுகளில், இவ்விரு நாடு களிலுமாக, தங்கத்திற்கான தேவை சராசரியாக, 30 சதவீதம் என்ற அளவில் வளர்ச்சி கண்டுள்ளது என, உலக தங்க கவுன்சிலின் நிர்வாக இயக்குனர் மார்க்கஸ் கிரப் தெரிவித்தார்.
மேலும் கம்மாடிட்டி செய்திகள்
|
Advertisement
|
Advertisement
|
Advertisement
|
|
|
|