புதுடில்லி:வரும் பட்ஜெட்டில், இரண்டாம் ரக இரும்புத் தாது ஏற்றுமதி மீதான வரியை, 50 சதவீதம் குறைக்கவேண்டும் என, மத்திய கனிம வளத் துறை அமைச்சர் தீன்ஷா படேல் கோரிக்கை விடுத்துள்ளார்.
இது குறித்து அவர் செய்தியாளர்களிடம் கூறியதாவது:தற்போது, இரும்புத் தாது கட்டிகள் மற்றும் இரண்டாம் ரக இரும்புத் தாது துகள்களுக்கும், சரி சமமாக, 30 சதவீதம், ஏற்றுமதி வரி விதிக்கப்படுகிறது. இந்நிலையில், இரும்புத் துகள்களின் ஏற்றுமதியை ஊக்குவிக்க, அதன் மீதான வரியை, 15 சதவீதமாகக் குறைக்க வேண்டும் என, மத்திய நிதி அமைச்சகத்திற்கு கோரிக்கை விடுக்கப்பட்டுள்ளது. இவ்வாறு அமைச்சர் தெரிவித்தார்.
நாட்டின் இரும்புத் தாது ஏற்றுமதி, கடந்த 2009 - 10ம் நிதியாண்டில், 12 கோடி டன்னாக இருந்தது. இது, சென்ற 2011 - 12ம் நிதியாண்டில், 6 கோடி டன்னாகக் குறைந்தது.
நடப்பு 2012 - 13ம் நிதியாண்டில், சென்ற செப்டம்பர் முதல், நவம்பர் வரையிலான எட்டு மாதங்களில், இரும்புத் தாது ஏற்றுமதி, கடந்த நிதியாண்டின் இதே காலத்தை விட, 62 சதவீதம் குறைந்து, 1.50 கோடி டன்னாக சுருங்கிவிட்டது.
நாட்டின் மொத்த இரும்புத் தாது ஏற்றுமதியில், இரண்டாம் ரகமான, இரும்புத் தாது துகள்களின் பங்களிப்பு, 92 சதவீதமாக உள்ளது.இந்நிலையில், சுங்க வரியை குறைப்பதன் மூலம், சரிந்து வரும் இரும்புத் தாது துகள் ஏற்றுமதியை அதிகரிக்கலாம் என, மத்திய கனிம வள அமைச்சகம் யோசனை தெரிவித்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 18,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 18,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 18,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 18,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 18,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்