மும்பை: நடப்பு நிதியாண்டின் மூன்றாவது காலாண்டில் (அக்.,-டிச.,), நாட்டின் நிகர சேவை துறை ஏற்றுமதி, 14.46 சதவீதம் என்ற குறைந்த அளவில் வளர்ச்சி கண்டு, 1,717 கோடி டாலராக (94,435 கோடி ரூபாய்) உயர்ந்துள்ளது என, ரிசர்வ் வங்கி வெளியிட்டுள்ள புள்ளி விவரத்தில் தெரிவிக்கப்பட்டுள்ளது.
நிகர சேவை துறை ஏற்றுமதி, சென்ற நிதியாண்டின் இதே காலாண்டில், 20.3 சதவீதம் அதிகரித்து, 1,500 கோடி டாலராகவும் (82,500 கோடி ரூபாய்), கடந்த 2010-11ம் நிதியாண்டின், மூன்றாவது காலாண்டில், 47.5 சதவீதம் வளர்ச்சி கண்டு, 1,250 கோடி டாலராகவும் (68,750 கோடி ரூபாய்) இருந்தது என, தெரிவிக்கப்பட்டுள்ளது.ஆக, சேவை துறையின் நிகர ஏற்றுமதி, ஒவ்வொரு நிதியாண்டின் மூன்றாவது காலாண்டில், தொடர்ச்சியாக குறைந்து வருவதாக தெரிவிக்கப்பட்டுள்ளது.ஒரு நாட்டின், மதிப்பின் அடிப்படையிலான சேவைகள், ஏற்றுமதி மற்றும் இறக்குமதி ஆகியவற்றிற்கு இடையிலான வித்தியாசமே, நிகர, சேவை துறை ஏற்றுமதியாகும். இந்தியாவின் மொத்த உள்நாட்டு உற்பத்தியில், சேவைத் துறையின் பங்களிப்பு, 55 சதவீதமாக உள்ளது.சென்ற டிசம்பர் மாதத்தில், நாட்டின் சேவைத் துறை ஏற்றுமதி, 7 சதவீதம் அதிகரித்து, 1,202 கோடி டாலரிலிருந்து, 1,288 கோடி டாலராக வளர்ச்சி கண்டிருந்தது.இதேபோன்று, மதிப்பீட்டு மாதத்தில், நாட்டின் சேவைகள் இறக்குமதியும், 661 கோடி டாலரிலிருந்து, 676 கோடி டாலராக சற்று அதிகரித்துள்ளது என, ரிசர்வ் வங்கி வெளியிட்டுள்ள தற்காலிக புள்ளிவிவரத்தில் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 18,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 18,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 18,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 18,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 18,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்