புதுடில்லி : நடப்பு நிதியாண்டின், ஏப்ரல் முதல் ஜனவரி வரையிலான, 10 மாத காலத்தில், நாட்டின் தங்கம் இறக்குமதி, 4,200 கோடி டாலர் (2.31 லட்சம் கோடி ரூபாய்) என்ற அளவில் அதிகரித்து உள்ளது என, மத்திய நிதி துறை இணை அமைச்சர் நமோ நாராயண் மீனா, பார்லிமென்டில் தெரிவித்தார்.
பயன்பாடு இதுகுறித்து, அவர் மேலும் கூறியதாவது:இந்தியாவில், தங்கம் பயன்பாடு தொடர்ந்து அதிகரித்து வருகிறது. இதன் விளைவாக, கடந்த சில ஆண்டுகளாக, தங்கம் இறக்குமதியும் உயர்ந்து உள்ளது. கடந்த, 2011-12ம் நிதியாண்டில், நாட்டின் தங்கம் இறக்குமதி, 5,630 கோடி டாலர் (3.09 லட்சம் கோடி ரூபாய்) என்ற அளவில் இருந்தது. சென்ற, 2010-11 மற்றும் 2009-10ம் நிதியாண்டுகளில், தங்கம் இறக்குமதி முறையே, 4,050 கோடி டாலர் (2.22 லட்சம் கோடி ரூபாய்) மற்றும் 2,860 கோடி டாலர் (1.57 லட்சம் கோடி ரூபாய்) மதிப்பிற்கு இருந்தது.
தங்கம் இறக்குமதி உயர்ந்து வருவது, நாட்டின், நடப்பு கணக்கு பற்றாக்குறை அதிகரிப்பிற்கு வழிவகுக்கிறது. இதனால், நடப்பு நிதிஆண்டின், செப்டம்பர் மாதம் வரையிலான இரண்டாவது காலாண்டில், நாட்டின் மொத்த உள்நாட்டு உற்பத்தியில், நடப்பு கணக்கு பற்றாக்குறையின் பங்களிப்பு, 5.4 சதவீதத்தை எட்டியுள்ளது. இதே காலத்தில், இந்தியாவின் வெளிநாட்டு கடன், 36,500 கோடி டாலர் (20.07 லட்சம் கோடி ரூபாய்) என்ற அளவில் இருந்தது. மத்திய அரசு, தங்கம் இறக்குமதியை கட்டுப்படுத்தும் நோக்கில், சுங்க வரியை உயர்த்தியுள்ளது. தங்கத்திற்கு மாற்றான முதலீட்டு திட்டங்களையும் அறிமுகப்படுத்தி வருகிறது.
வங்கிகள்உள்நாட்டில், குறிப்பிட்ட சில வங்கிகள் மற்றும் எம்.எம்.டி.சி., நிறுவனம் வாயிலாக, தங்கம் இறக்குமதி செய்யப்படுகிறது.சென்ற நிதியாண்டில், நாட்டின் மொத்த தங்கம் இறக்குமதியில், குறிப்பிட்ட வங்கிகளின் பங்களிப்பு, 603 டன் அல்லது 56 சதவீதம் என்ற அளவில் உள்ளது.இவ்வாறு, நமோ நாராயண் மீனா கூறினார்.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 09,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 09,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 09,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 09,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 09,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்