பதிவு செய்த நாள்
10 மார்2013
00:44
கோல்கட்டா;நடப்பாண்டில், இந்திய ஊடகம் மற்றும் பொழுது போக்கு துறை, 11.8 சதவீதம் வளர்ச்சி கண்டு, 91,700 கோடி ரூபாயாக உயரும் என, பிக்கி-கே.பி.எம்.ஜி., அமைப்பு தெரிவித்து உள்ளது.இது, கடந்த, 2011ம் ஆண்டில், 72,800 கோடி ரூபாயாகவும், 2012ம் ஆண்டில், 82 ஆயிரம் கோடி ரூபாயாகவும் இருந்தது. ஊடக துறையில், டிஜிட்டல் மயமாக்கல், பிராந்திய ஊடகங்களின் சிறப்பான வளர்ச்சி, வரவிருக்கும் தேர்தல்கள் போன்றவற்றால், நடப்பாண்டில், இத்துறையின் வளர்ச்சி நன்கு இருக்கும் என, மதிப்பிடப்பட்டுள்ளது.மேலும், திரைத் துறை மற்றும் புதிய ஊடகங்களின் வரவும், இத்துறையின் வலிமையான வளர்ச்சிக்கு துணைபுரியும் என, தெரிவிக்கப்பட்டுள்ளது.இது போன்றவற்றால், வரும், 2017ம் ஆண்டிற்குள், ஊடகம் மற்றும் பொழுது போக்கு துறை, ஆண்டுக்கு சராசரியாக, 15.2 சதவீதம் என்ற அளவில், சிறப்பாக வளர்ச்சி கண்டு, 1,66,100 கோடி ரூபாயாக உயரும் என, அந்த அமைப்பு மேலும் தெரிவித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|