பதிவு செய்த நாள்
10 ஏப்2013
00:21
உள்நாட்டில், தற்போது, ஒரு கிலோ வெள்ளை பாக்கின் விலை, 130 ரூபாயாக மிகவும் சரிவடைந்துள்ளது. இது, கடந்த ஆண்டின் இதே காலத்தில், 176 ரூபாயாக இருந்தது. ஆக, சென்ற ஆண்டை விட, தற்போது, இதன் விலை, 26 சதவீதம் வீழ்ச்சி கண்டுள்ளது. கடந்த ஆண்டை விட, நடப்பாண்டில், பாக்கு விற்பனையும், 24 சதவீதம் குறைந்துள்ளது.தரம் இல்லாத, விலை குறைந்த இறக்குமதி மற்றும் பல மாநிலங்களில், குட்கா உள்ளிட்ட பாக்கு பொருட்கள் பயன்பாட்டிற்கு தடை விதிக்கப்பட்டு உள்ளதால், இதன் விலை சரிவடைந்து வருவதாக, மத்திய பாக்கு மற்றும் கோகோ சந்தைப்படுத்தும், கூட்டுறவு நிறுவனத்தின் நிர்வாக இயக்குனர் சுரேஷ் பண்டாரி தெரிவித்தார்.
வங்க தேசம், இந்தோனேஷியா, நேபாளம் ஆகிய நாடுகளில் இருந்து, தரம் குறைந்த மற்றும் மலிவான விலையில், அதிகளவில் பாக்கு இறக்குமதியாகிறது.கடந்த, 2009-10ம் நிதியாண்டில், வங்க தேசத்தில்இருந்து, 7,600 டன் பாக்கு இறக்குமதியானது. இந்நிலையில், 2011ம் ஆண்டு நவம்பர் மாதம் முதல், வங்க தேசத்திலிருந்து, வரி இல்லாமல், பாக்கு இறக்குமதி செய்து கொள்ள, மத்திய அரசு, அனுமதி அளித்தது. இதையடுத்து, அந்நாட்டிலிருந்து மேற்கொள்ளப்பட்ட பாக்கு இறக்குமதி, சென்ற, 2012-13ம் நிதியாண்டில், டிசம்பர் வரையிலான காலத்தில், 7 மடங்கு அதிகரித்து, 53 ஆயிரம் டன்னாக உயர்ந்துள்ளது.
- பிசினஸ் ஸ்டாண்டர்ட் உடன் இணைந்து -
மேலும் பொது செய்திகள்
|
Advertisement
|
Advertisement
|
Advertisement
|
|
|
|