பதிவு செய்த நாள்
11 ஏப்2013
00:46
நடப்பாண்டு மார்ச் மாதத்தில், உள்நாட்டில் பயணிகள் கார் விற்பனை, 22.51 சதவீதம் சரிவடைந்து, 1,80,675 ஆக வீழ்ச்சி கண்டுள்ளது. கடந்த ஆண்டின் இதே மாதத்தில், இந்த விற்பனை, 2,33,151 ஆக அதிகரித்து காணப்பட்டது என, இந்திய மோட்டார் வாகன உற்பத்தியாளர்கள் சங்கம் (சியாம்) தெரிவித்துள்ளது.மதிப்பீட்டு மாதத்தில், மோட்டார் சைக்கிள் விற்பனை, 8.32 சதவீதம் சரிவடைந்து, 8,50,637 என்ற எண்ணிக்கையிலிருந்து, 7,79,878 ஆக குறைந்துள்ளது.
ஒட்டு மொத்த இருசக்கர வாகன விற்பனை, 6.96 சதவீதம் வீழ்ச்சி கண்டு, 11,83,425 லிருந்து, 11,01,058 ஆக சரிவடைந்துள்ளது.மேலும், வர்த்தக வாகனங்கள் விற்பனையும், 6.04 சதவீதம் சரிவடைந்து, 90,416 என்ற எண்ணிக்கையில்இருந்து, 84,956 ஆக வீழ்ச்சி கண்டுள்ளது. கணக்கீட்டு மாததத்தில், ஒட்டு மொத்த வாகன விற்பனை, 7.76 சதவீதம் வீழ்ச்சி கண்டு, 16,11,525 என்ற எண்ணிக்கையிலிருந்து, 14,86,522 ஆக சரிவடைந்துள்ளது.
இருப்பினும், சென்ற 2011-12ம் நிதியாண்டுடன் ஒப்பிடும் போது, 2012-13ம் நிதியாண்டில், உள்நாட்டில் வாகன விற்பனை, ஒட்டு மொத்த அளவில், 2.61 சதவீதம் வளர்ச்சி கண்டுள்ளது. மேலும், பயணிகள் கார் விற்பனையும், 2.15 சதவீதம் அதிகரித்துள்ளது.இதே நிதியாண்டுகளில், ஒட்டு மொத்த வாகன உற்பத்தியும், 1.2 சதவீதம் உயர்ந்துள்ளது என, "சியாம்' மேலும் தெரிவித்துள்ளது.- பிசினஸ் ஸ்டாண்டர்ட் உடன் இணைந்து -
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|