பதிவு செய்த நாள்
11 ஏப்2013
13:07
இந்தியாவில், ஆட்டோமேடிக் ஸ்கூட்டர் விற்பனையில், டி.வி.எஸ்., மோட்டார்ஸ் நிறுவனம், முன்னணியில் உள்ளது. இந்த நிறுவனத்தின், 'விகோ' ஸ்கூட்டர், விற்பனை, மாதம் தோறும் அதிகரித்து வருகிறது. இதற்கு முன், 'விகோ' ஸ்கூட்டரில், டிரம் பிரேக் வசதி மட்டுமே இருந்தது. எனினும், வாகனத்தின் முன் சக்கர பகுதியில், டெலிஸ்கோபிக் ஃபிரண்ட் ஃபோர்க்ஸ் வசதி இருப்பது, வாகன ஓட்டிகளுக்கு மிகவும் வசதியாக இருந்தது. மேலும், இந்த ஸ்கூட்டர், 110 சிசி திறன் கொண்ட ஃபோர் ஸ்ட்ரோக் இன்ஜின் பொருத்தப்பட்டது. இந்த சூழ்நிலையில், 'விகோ' ஸ்கூட்டரின் முன்பக்க சக்கரத்தில், டிஸ்க் பிரேக் வசதி இடம் பெற துவங்கியுள்ளது. இந்த வசதியுடன் உள்ள 'விகோ' ஸ்கூட்டர், டி.வி.எஸ்., மோட்டார்ஸ் நிறுவனத்தின் அனைத்து டீலர்களிடமும் கிடைக்கும் என்று தெரிவிக்கப்பட்டுள்ளது. டிரம் பிரேக் வசதியுடன் கூடிய 'விகோ' ஸ்கூட்டர் விலை, ரூ.45 ஆயிரத்து, 807(எக்ஸ்ஷோரூம், டில்லி). டிஸ்க் பிரேக் வசதியுடன் கூடிய 'விகோ' ஸ்கூட்டரின் விலை, ரூ. 49 ஆயிரத்து, 157(எக்ஸ்ஷோரூம், டில்லி).
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|