மாருதி சுசூகி கார் நிறுவனம், ஏற்கனவே, "இகோ' என்ற பெயரில், வேன் விற்பனை செய்து வருகிறது. இந்த வேன், ஐந்து இருக்கைகள், ஏழு இருக்கைகள் என, இரண்டு வகைகளிலும் கிடைக்கும். அதே போல, பெட்ரோல் மற்றும் சி.என்.ஜி., வசதியிலும் கிடைக்கும். ஆம்புலன்ஸ் வாகனமாகவும், "இகோ' வேன் கிடைக்கிறது. சி.என்.ஜி., வசதி கொண்ட "இகோ' வேன், டாக்ஸி நிறுவனங்களிடம், மிகுந்த வரவேற்பு பெற்றுள்ளது. இந்த வாகனத்தில், பவர் ஸ்டியரிங், "ஏசி' வசதி, 5 ஸ்பீடு மேனுவல் கியர் பாக்ஸ், 1.2 லிட்டர் பெட்ரோல் இன்ஜின் ஆகியவை இடம் பெற்றுள்ளன. பெட்ரோலில் இயங்கும், "இகோ' வேன், ஒரு லிட்டருக்கு 14 கி.மீ., மைலேஜும், சி.என்.ஜி.,யில் இயங்கும், "இகோ' வேன், 20 கி.மீ., மைலேஜும் தரும் என்று நிறுவனம் தரப்பில் தெரிவிக்கப்பட்டுள்ளது. இதில், பெட்ரோலில் இயங்கும், வாகனத்தின் விலை, ரூபாய் 3.05 லட்சம்(எக்ஸ்ஷோரூம், டில்லி), சி.என்.ஜி.,யில் இயங்கும் வாகனத்தின் விலை, ரூபாய் 3.22 லட்சம் (எக்ஸ்ஷோரூம், டில்லி) என்று அறிவிக்கப்பட்டுள்ளது. இந்த சூழ்நிலையில், ஏழு புது அம்சங்கள் இடம் பெற்ற, "இகோ' வேனின், லிமிடெட் எடிஷனை, மாருதி சுசூகி நிறுவனம் தற்போது அறிமுகப்படுத்தியுள்ளது. இந்த வாகனத்தின் விலை, ரூபாய் 3.32 லட்சம்(எக்ஸ்ஷோரூம், டில்லி) என்றும் அறிவிக்கப்பட்டுள்ளது. யு.எஸ்.பி., கனெக்டிவிட்டியுடன் கூடிய டபுள் டின் ஸ்டிரியோ வசதி, 15 அங்குல ஸ்பீக்கர்கள், "வீல் கேப்'கள், டபுள் டோன் சீட் கவர்கள், ஃப்ளோர் மேட்கள் உள்ளிட்ட வசதிகள் இடம் பெற்றுள்ளன. இந்த புதிய வாகனத்துக்கு, "இகோ ஸ்மைல்ஸ்' என்று பெயரிடப்பட்டுள்ளது.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 26,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 26,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 26,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 26,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 26,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்