மும்பை:கடந்த ஆறு ஆண்டுகளில், அன்னிய நிதி நிறுவனங்கள், அதிக சந்தை மதிப்பை கொண்டுள்ள நிறுவனப் பங்குகளில் முதலீடு செய்வது அதிகரித்துள்ளது.அதே சமயம், இதே காலத்தில், குறைந்த சந்தை மதிப்பை கொண்டுள்ள நிறுவனப் பங்குகளில் முதலீடு குறைந்துள்ளது.
கடந்த 2007ம் ஆண்டு மார்ச் இறுதி முதல், நடப்பாண்டு, மார்ச் 31ம் தேதி வரை, மும்பை பங்குச் சந்தையின் 'சென்செக்ஸ்' குறியீட்டில் இடம்பெற்றுள்ளவற்றுள், 28 நிறுவனப் பங்குகள் மீதான, அன்னிய நிதி நிறுவனங்களின் முதலீடு, 18.4 சதவீதம் அதிகரித்துள்ளது. தேசிய பங்குச் சந்தையின் 'நிப்டி' குறியீட்டில் அடங்கிஉள்ளவற்றுள், 46 நிறுவன பங்குகள் மீதான, அன்னிய நிதி நிறுவனங்களின் முதலீடு, 19.7 சதவீதம் உயர்ந்துள்ளது.
அதே சமயம், இதே காலத்தில், சிறிய அளவில் சந்தை மதிப்பை கொண்டுள்ள, 275 நிறுவனப் பங்குகளில், அன்னிய நிதி நிறுவனங்களின் முதலீடு, 6.8 சதவீதம் சரிவடைந்து உள்ளது.சென்ற 2012ம் ஆண்டு, 'சென்செக்ஸ்', 25.7 சதவீதம் உயர்ந்துள்ளது. இது, நடப்பாண்டு, தற்போது வரை, 0.1 சதவீதம் குறைந்துள்ளது.நடப்பாண்டு, தற்போதுவரை, அன்னிய நிதி நிறுவனங்கள், இந்திய பங்குச் சந்தைகளில், 1,060 கோடி டாலர் முதலீடு செய்துள்ளன. இது, சென்ற ஆண்டு, இதே காலத்தில், 2,450 கோடி டாலராக இருந்தது.
சென்ற ஜனவரி மற்றும் பிப்ரவரியில், அன்னிய நிதி நிறுவனங்கள், இந்திய நிறுவன பங்குகளில், முறையே, தலா, 410 கோடி டாலர் முதலீடு செய்துள்ளன. இது, சென்ற மார்ச்சில், 50 சதவீதம் குறைந்து, 210 கோடி டாலராக சரிவடைந்துள்ளது.நடப்பு ஏப்ரல் மாதம் 1ம் தேதியில் இருந்து 22ம் தேதி வரை, அன்னிய நிதி நிறுவனங்கள், 22.17 கோடி டாலரை, இந்திய நிறுவனப் பங்குகளில் முதலீடு செய்துள்ளன.
பங்குச் சந்தையில், சிறிய நிறுவனப் பங்குகள் மீதான வர்த்தகம் குறைவாக உள்ளது. மேலும், நிர்வாகத் திறன் குறித்த அச்சமும், ஒளிவுமறைவான செயல்பாடுகளும், அவற்றின் பங்குகளில் முதலீடு செய்வதற்கு தடைக் கற்களாக உள்ளன என, இத்துறையை சேர்ந்த ஆய்வாளர் ஒருவர் தெரிவித்தார்.

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 03,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 03,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 03,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 03,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 03,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்