கோல்கட்டா: தென்ஆப்ரிக்காவில் உள்ள பிளாட்டினம் சுரங்கங்களில் பணிபுரிந்து வரும் தொழிலாளர்கள் வேலை நிறுத்தத்தில் ஈடுபட்டு உள்ளனர். இதையடுத்து, அந்நாடுகளில், பிளாட்டினம் உற்பத்தி வெகுவாக பாதிக்கப்பட்டுள்ளது. இதனால், பிளாட்டினத்தின் விலை, தங்கத்தின் விலையை காட்டிலும் அதிகரித்துள்ளது.தங்கம்தற்போதைய நிலையில், தங்கத்தின் விலை, ஒரு அவுன்ஸ், 1,452 டாலர் என்ற நிலையில், பிளாட்டினத்தின் விலை, 1,484 டாலராக அதிகரித்து காணப்படுகிறது. குறிப்பாக, இந்தியாவில், ஒரு கிராம் பிளாட்டினத்தின் விலை, 3,038 ரூபாயாக உயர்ந்துள்ளது. அதேசமயம், இதனை காட்டிலும், ஒரு கிராம் தங்கத்தின் விலை, 2,710 ரூபாய் என்ற அளவில் குறைவாகவே உள்ளது.தென் ஆப்ரிக்க நாடுகளில் உற்பத்தி பாதிப்பால், கடந்த இரண்டு வாரங்களில், பிளாட்டினத்தின் விலை, 2 முதல் 3 சதவீதம் வரை அதிகரித்துள்ளது. ஏனெனில், மொத்த பிளாட்டினம் உற்பத்தியில், 72 சதவீத சுரங்கங்கள் தென்ஆப்ரிக்காவில்தான் அமைந்துள்ளன என்பது குறிப்பிடத்தக்கது.இது தவிர, சுரங்க நடவடிக்கை செலவுகளும், கடந்த ஐந்து ஆண்டுகளில், சராசரியாக, 15 சதவீதம் உயர்ந்துள்ளது. இதன் காரணமாகவும், இத்தொழிலில் ஈடுபட்டு வரும் நிறுவனங்களும், விரிவாக்க நடவடிக்கைகளில் ஆர்வம் காட்டாமல் உள்ளன. இதுவும், பிளாட்டினம் உற்பத்தி சரிவிற்கு முக்கிய காரணம்.ஏற்ற இறக்கம்விலை உயர்வு குறித்து, முன்னணி ஜுவல்லரியின் உயர்அதிகாரி கூறியதாவது:தங்கத்தின் விலையில் அடிக்கடி மாற்றங்கள் ஏற்படுவது போன்று, பிளாட்டினத்தில் காணப்படுவதில்லை. எனினும், அவ்வப்போது பிளாட்டினம் விலையில், ஏற்ற, இறக்கங்கள் காணப்பட்டாலும், இதன் விற்பனை ஆண்டுக்கு, 25 சதவீதம் என்ற அளவில் சிறப்பாக வளர்ச்சி கண்டு வருகிறது.எனவே, விலை உயர்ந்தாலும், உள்நாட்டில், பிளாட்டினத்திற்கான தேவையில் பாதிப்பு எதுவும் ஏற்பட வாய்ப்பில்லை.இவ்வாறு அந்த அதிகாரி கூறினார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 10,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 10,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 10,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 10,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 10,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்