புதுடில்லி: நாட்டின் முன்பேர சந்தைகளில், சென்ற ஏப்ரல் மாதத்தில், 14,77,303 கோடி ரூபாய்க்கு வர்த்தகம் நடைபெற்றுள்ளது. இது, கடந்த ஆண்டின் இதே மாதத்தில் மேற்கொள்ளப்பட்ட வர்த்தகத்தை (11,52,471 கோடி ரூபாய்) விட, 28 சதவீதம் அதிகம் என, பார்வர்டு மார்க்கெட்ஸ் கமிஷன் (எப்.எம்.சி.,) தெரிவித்துள்ளது.கணக்கீட்டு மாதத்தில், எரிசக்தி மற்றும் கச்சா எண்ணெய் மீதான வர்த்தகம், 84 சதவீதம் அதிகரித்து, 1.90 லட்சம் கோடியிலிருந்து, 3.50 லட்சம் கோடி ரூபாயாக உயர்ந்துள்ளது. தங்கம் மற்றும் வெள்ளி மீதான வர்த்தகம், 34.41 சதவீதம் வளர்ச்சி கண்டு, 5.32 லட்சம் கோடியிலிருந்து, 7.16 லட்சம் கோடி ரூபாயாக அதிகரித்துள்ளது.அதேசமயம், வேளாண் விளை பொருட்கள் மீதான வணிகம், 8.57 சதவீதம் சரிவடைந்து, 1.62 லட்சம் கோடியில் இருந்து, 1.48 லட்சம் கோடி ரூபாயாக குறைந்துள்ளது.தாமிரம் உள்ளிட்ட உலோகங்கள் மீதான வர்த்தகம், 1.76 சதவீதம் குறைந்து, 2.68 லட்சம் கோடியிலிருந்து, 2.63 லட்சம் கோடி ரூபாயாக குறைந்துள்ளது.உள்நாட்டில், தேசிய அளவில், 6 சந்தைகளும், மண்டல அளவில், 16 முன்பேர சந்தைகளும் உள்ளன. கடந்த 2012-13ம் நிதியாண்டில், நாட்டின் முன்பேர சந்தைகளில் வர்த்தகம், 6 சதவீதம் சரிவடைந்து, 170.47 லட்சம் கோடியாக இருந்தது என, எப்.எம்.சி., அமைப்பு தெரிவித்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 10,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 10,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 10,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 10,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 10,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்