பதிவு செய்த நாள்
10 மே2013
23:35
புதுடில்லி: சென்ற ஏப்ரல் மாதத்தில், உள்நாட்டில் பயணிகள் கார் விற்பனை, 10.43 சதவீதம் சரிவடைந்து, 1,50,789 ஆக குறைந்துள்ளது. வட்டி விகிதம்கடந்த ஆண்டின் இதே மாதத்தில், இந்த எண்ணிக்கை, 1,68,354 ஆக இருந்தது என, இந்திய மோட்டார் வாகன தயாரிப்பாளர் சங்கம் (சியாம்) வெளியிட்டுள்ள புள்ளி விவரத்தில் தெரிவிக்கப்பட்டுள்ளது.பொருளாதார மந்த நிலை, வாகன கடனுக்கான வட்டி விகிதம் அதிகமாக இருப்பது மற்றும் எரிபொருள்களின் விலை உயர்வு போன்றவற்றால், உள்நாட்டில், கார் விற்பனை, தொடர்ந்து ஆறு மாதங்களாக சரிவடைந்துள்ளது. இந்த நிலை, அடுத்த இரண்டு மாதங்களுக்கு நீடிக்கலாம் என, எதிர்பார்க்கப்படுகிறது.
பெட்ரோல் விலை
இருப்பினும், தற்போது, பெட்ரோல் விலை குறைந்து வருவதால், சிறிய வகை கார்களுக்கான தேவை உயர்ந்து வருகிறது. சென்ற ஏப்ரல் மாதத்தில், மாருதி சுசூகி நிறுவனத்தின், உள்நாட்டு கார் விற்பனை, கடந்தாண்டின் இதே மாதத்தை விட, 4.81 சதவீதம் உயர்ந்து, 72,939 என்ற எண்ணிக்கையிலிருந்து, 76,509 ஆக அதிகரித்துள்ளது.அதேசமயம், ஹூண்டாய் மோட்டார் இந்தியா நிறுவனத்தின் கார் விற்பனை, இதே மாதத்தில், 7.53 சதவீதம் சரிவடைந்து, 35 ஆயிரத்திலிருந்து, 32,364 ஆக குறைந்துள்ளது.டாட்டா மோட்டார்ஸ் நிறுவனத்தின் கார் விற்பனை, 52.07 சதவீதம் வீழ்ச்சி கண்டு, 18,610 என்ற எண்ணிக்கையிலிருந்து, 8,918 ஆக சரிவடைந்திருந்தது.கணக்கீட்டு மாதத்தில், ஒட்டு மொத்த அளவில், மோட்டார் சைக்கிள் விற்பனை, 2.06 சதவீதம் சரிவடைந்து, 8,61,608 என்ற எண்ணிக்கையிலிருந்து, 8,43,889 ஆக குறைந்துள்ளது.
ஸ்கூட்டர்
அதேசமயம், ஸ்கூட்டர் விற்பனை, 14.72 சதவீதம் வளர்ச்சி கண்டு, 2,27,924 என்ற எண்ணிக்கையிலிருந்து, 2,61,475 ஆக அதிகரித்துள்ளது.கணக்கீட்டு மாதத்தில், ஒட்டு மொத்த இருசக்கர வாகன விற்பனை, 0.95 சதவீதம் உயர்ந்து, 11,57,114 என்ற எண்ணிக்கையிலிருந்து, 11,68,080 ஆக வளர்ச்சி கண்டுள்ளது.மூன்று சக்கர வாகன விற்பனை, சென்ற ஏப்ரலில், 7.19 சதவீதம் அதிகரித்து, 32,044 என்ற எண்ணிக்கையிலிருந்து, 34,348 ஆக வளர்ச்சி கண்டுள்ளது.வர்த்தக வாகன விற்பனை, 0.75 சதவீதம் உயர்ந்து, 56,257ல் இருந்து, 56,678 ஆக வளர்ச்சி கண்டுள்ளது.ஏற்றுமதிவாகன ஏற்றுமதி, சென்ற ஏப்ரல் மாதத்தில், 9.14 சதவீதம் குறைந்து, 2,65,200 என்ற எண்ணிக்கையில்இருந்து, 2,40,948ஆக சரிவடைந்து உள்ளது. சென்ற ஏப்ரலில், உள்நாட்டில், கார் உற்பத்தி, 2.18 சதவீதம் சரிவடைந்து, 17.21 லட்சத்திலிருந்து, 16.84 லட்சமாக குறைந்துள்ளது.ஒட்டு மொத்த வாகன விற்பனை, 0.34 சதவீதம் சரிவடைந்து, 14,72,452 என்ற எண்ணிக்கையிலிருந்து, 14,67,492 ஆக குறைந்து உள்ளது என, "சியாம்' அறிக்கையில் தெரிவிக்கப்பட்டுள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|