புதுடில்லி: நடப்பாண்டு ஏப்ரல் மாதத்தில், நாட்டின் நவரத்தினங்கள் மற்றும் ஆபரணங்கள் ஏற்றுமதி, ரூபாய் மதிப்பு அடிப்படையில், 18,422 கோடி ரூபாயாக வளர்ச்சி கண்டு உள்ளது. இது, கடந்தாண்டு இதே மாதத்தில், மேற்கொள்ளப்பட்ட ஏற்றுமதியை (13,215 கோடி ரூபாய்) விட, 39.40 சதவீதம் அதிகமாகும் என, இந்திய நவரத்தினங்கள் மற்றும் ஆபரணங்கள் ஏற்றுமதி மேம்பாட்டு கவுன்சில் வெளியிட்டுள்ள, தற்காலிக புள்ளிவிவரத்தில் தெரிவிக்கப்பட்டுள்ளது.
மந்த நிலை:இதே போன்று, கணக்கீட்டு மாதத்தில், டாலர் மதிப்பின் அடிப் படையிலான, இவற்றின் ஏற்றுமதி, 32.79 சதவீதம் வளர்ச்சி கண்டு, 255 கோடி டாலரிலிருந்து, 339 கோடி டாலராக அதிகரித்துள்ளது.சர்வதேச நாடுகள், பொருளாதார மந்த நிலையிலிருந்து மேம்பட்டு வருவதை எடுத்துக்காட்டும் வகையில், நடப்பு நிதியாண்டின் முதல் மாதமான, சென்ற ஏப்ரலில், நம்நாட்டின், நவரத்தினங்கள் மற்றும் ஆபரணங்கள் ஏற்றுமதி, விறுவிறுப்படைந்துள்ளது.
இதையடுத்து, நவரத்தினங்கள் மற்றும் வெள்ளி ஆபரணங்கள் ஏற்றுமதி முறையே, 200 சதவீதம் மற்றும் 500 சதவீதம் அளவிற்கு வளர்ச்சி கண்டுள்ளது. இதே போன்று, கச்சா வைரம் ஏற்றுமதியும், 100 சதவீத்திற்கும் மேல் அதிகரித்துள்ளது.ஆக, உலகளவில், நம்நாட்டின் ஆபரணங்களுக்கான தேவை சிறப்பான அளவில் அதிகரித்து வருகிறது என்பது குறிப்பிடத்தக்கது. மதிப்பீட்டு மாதத்தில், நறுக்கப்பட்ட மற்றும் பட்டை தீட்டப்பட்ட வைரங்கள் ஏற்றுமதி, ரூபாய் மதிப்பு அடிப்படையில், 44.19 சதவீதம் வளர்ச்சி கண்டு, 6,911 கோடி ரூபாயிலிருந்து, 9,965 கோடி ரூபாயாக அதிகரித்து உள்ளது.
டாலர் மதிப்பின் அடிப்படையிலும், இதன் ஏற்றுமதி, 37.35 சதவீதம் அதிகரித்து, 133 கோடி டாலரிலிருந்து, 183 கோடி டாலராக வளர்ச்சி கண்டுள்ளது.மேலும், அளவின் அடிப்படையில் இதன் ஏற்றுமதி, 22.36 லட்சம் காரட்டிலிருந்து, 25.47 லட்சம் காரட்டாக அதிகரித்துள்ளது. அதேசமயம், சென்ற ஏப்ரலில், தங்க ஆபரணங்கள் ஏற்றுமதி, ரூபாய் மற்றும் டாலர் மதிப்பின் அடிப்படையில் சரிவடைந்துள்ளது.தங்க நாணயங்கள்ரூபாய் மதிப்பின் அடிப்படையில் இவற்றின் ஏற்றுமதி, 9.55 சதவீதம் குறைந்து, 3,371 கோடியிலிருந்து, 3,049 கோடி ரூபாயாக வீழ்ச்சி கண்டுள்ளது.
இதே போன்று, டாலர் மதிப்பின் அடிப்படையிலான, தங்க ஆபரணங்கள் ஏற்றுமதி, 13.84 சதவீதம் சரிவடைந்து, 65 கோடி டாலரிலிருந்து, 56 கோடி டாலராக குறைந்துள்ளது.இருப்பினும், கணக்கீட்டு மாதத்தில், தங்க பதக்கங்கள் மற்றும் நாணயங்கள் ஏற்றுமதி, ரூபாய் மதிப்பு அடிப்படையில், 18.9 சதவீதம் வளர்ச்சி கண்டு, 2,042 கோடி ரூபாயிலிருந்து, 2,429 கோடி ரூபாயாக அதிகரித்துள்ளது.இதே போன்று, டாலர் மதிப்பு அடிப்படையில், இவற்றின் ஏற்றுமதி, 13.26 சதவீதம் உயர்ந்து, 39 கோடி டாலரிலிருந்து, 44 கோடி டாலராக வளர்ச்சி கண்டுள்ளது.
முத்துக்கள்:நடப்பாண்டு ஏப்ரல் மாதத்தில், நாட்டின் நவரத்தினங்கள் ஏற்றுமதி, ரூபாய் மற்றும் டாலர் மதிப்பின் அடிப்படையில், சிறப்பாக வளர்ச்சி கண்டுள்ளது.இதன்படி, ரூபாய் மதிப்பின் அடிப்படையிலான இவற்றின் ஏற்றுமதி, 234.14 சதவீதம் அதிகரித்து, 86 கோடி ரூபாயிலிருந்து, 289 கோடி ரூபாயாக வளர்ச்சி கண்டுள்ளது.இதே போன்று, டாலர் மதிப்பின் அடிப்படையிலும், இதன் ஏற்றுமதி, 218.36 சதவீதம் உயர்ந்து, 1.66 கோடி டாலரிலிருந்து, 5.31 கோடி டாலராக அதிகரித்துள்ளது.மதிப்பீட்டு மாதத்தில், நாட்டின் வெள்ளி ஆபரணங்கள் ஏற்றுமதி, ரூபாய் மதிப்பு அடிப்படையில், 497.39 சதவீதம் வளர்ச்சி கண்டு, 160 கோடி ரூபாயிலிருந்து, 957 கோடி ரூபாயாக அதிகரித்துள்ளது.
இதே போன்று, டாலர் மதிப்பின் அடிப்படையிலான, இவற்றின் ஏற்றுமதி, 469.11 சதவீதம் உயர்ந்து, 3.10 கோடி டாலரிலிருந்து, 17.60 கோடி டாலராக உயர்ந்துள்ளது.கணக்கீட்டு மாதத்தில், முத்துக்கள் ஏற்றுமதி, ரூபாய் மதிப்பு அடிப்படையில், 3.61 கோடி ரூபாயிலிருந்து, 3.42 கோடி ரூபாயாக சற்று குறைந்து உள்ளது. எனினும், செயற்கை கற்கள் ஏற்றுமதி, 12.33 கோடியிலிருந்து, 18.25 கோடி ரூபாயாக உயர்ந்துள்ளது.
கச்சா வைரம்:சென்ற ஏப்ரலில், கச்சா வைரம் ஏற்றுமதி, ரூபாய் மதிப்பின் அடிப்படையில், 120.38 சதவீதம் உயர்ந்து, 597 கோடி ரூபாயிலிருந்து, 1,316 கோடி ரூபாயாக வளர்ச்சி கண்டுள்ளது. டாலர் மதிப்பின் அடிப்படையில் இதன் ஏற்றுமதி, 109.93 சதவீதம் அதிகரித்து, 11.53 கோடி டாலரிலிருந்து, 24.21 கோடி டாலராக உயர்ந்துள்ளது.மேலும், அளவின் அடிப்படையில், இவற்றின் ஏற்றுமதி, 22.45 லட்சம் காரட்டிலிருந்து, 43.76 லட்சம் காரட்டாக அதிகரித்து உள்ளது.சென்ற 2012-13ம் முழு நிதிஆண்டில், நாட்டின் ஆபரணங்கள் மற்றும் நவரத்தினங்கள் ஏற்றுமதி, 2.13 லட்சம் கோடி ரூபாயாக உயர்ந்துள்ளது. இது, இதற்கு முந்தைய நிதியாண்டின் ஏற்றுமதியை (2.06 லட்சம் கோடி ரூபாய்) விட, 3.18 சதவீதம் அதிகமாகும்.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 19,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 19,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 19,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 19,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 19,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்