பதிவு செய்த நாள்
03 ஜூன்2013
15:19
சென்னை:வர்த்தக நோக்குடன் பயன்படுத்தப்படும், சிலிண்டர் விலை, 77 ரூபாய் குறைக்கப்பட்டுள் ளது. பொதுத் துறையை சேர்ந்த எண்ணெய் நிறுவனங்கள், வீட்டு உப
யோக சிலிண்டர் (14.20 கிலோ), வர்த்தக சிலிண்டர் (19 கிலோ) என, இரண்டு வகை சமையல் காஸ் சிலிண்டர்களை வினியோகம் செய்து வருகின்றன. எண்ணெய் நிறுவனங்கள், சர்வதேச அளவில், கச்சா எண்ணெய் விலையில் ஏற்படும் மாறுதலுக்கு ஏற்ப, மாதத்தின் முதல் தேதியன்று, வர்த்தக நோக்குடன் பயன்படுத்தப்படும், சிலிண்டர்களின் விலையை மாற்றி அமைத்து வருகின்றன. சென்னையில், சென்ற மே மாதம், 1,594 ரூபாயாக இருந்த, வர்த்தக பயன்பாட்டிற்கான சிலிண்டர் விலை, நேற்று, 77 ரூபாய் குறைத்து, 1,517 ரூபாயாக நிர்ணயிக்கப்பட்டுள்ளது. இதன் விலை, கடந்த ஜனவரியில், 1,788 ரூபாயாக இருந்தது என்பது குறிப்பிடத்தக்கது. தற்போது, வீடுகளில் பயன்படுத்தப்படும், மானியத்துடன் கூடிய சிலிண்டரின் விலை, 398 ரூபாய் என்ற அளவில் உள்ளது. இதர நகரங்களில் வர்த்தக சிலிண்டர் விலை நிலவரம்
டில்லி ரூ. 1,327
கோல்கட்டா ரூ. 1,397
மும்பை ரூ. 1,409
மேலும் பொது செய்திகள்
|
Advertisement
|
Advertisement
|
Advertisement
|
|
|
|