புதுடில்லி:கடந்த 2012-13ம் நிதியாண்டில், உலகளவில், உருக்கு உற்பத்தி வளர்ச்சியில், இந்தியா முன்னிலை வகிப்பதாக, உலக உருக்கு கூட்டமைப்பு தெரிவித்துள்ளது. உலகளவில், உருக்கு உற்பத்தியில், இந்தியா நான்காவது இடத்தில் உள்ளது.
சென்ற நிதியாண்டில், இந்தியா, 7.81 கோடி டன் உருக்கை உற்பத்தி செய்துள்ளது. இது, முந்தைய 2011-12ம் நிதியாண்டில், மேற்கொள்ளப்பட்ட உற்பத்தியை (7.34 கோடி டன்) விட, 5.86 சதவீதம் அதிகமாகும்.இந்நிலையில், உலகளவில், உருக்கு உற்பத்தியில், முதலிடத்தில் உள்ள சீனா, சென்ற நிதியாண்டில், 72.63 கோடி டன் உருக்கை உற்பத்தி செய்துள்ளது.
இது, இதற்கு முந்தைய, 2011-12ம் நிதியாண்டில் மேற்கொள்ளப்பட்ட உற்பத்தியை(68.92 கோடி டன்) விட, 5.39 சதவீதம் அதிகமாகும்.உலகின் மொத்த உருக்கு உற்பத்தியில் (152.10 கோடி டன்), சீனாவின் பங்களிப்பு, பாதி அளவிற்கு உள்ளது என்பது குறிப்பிடத்தக்கது. உலகளவில், சென்ற நிதிஆண்டில், உருக்கு உற்பத்தி, 1.59 சதவீதம் என்ற அளவில்தான் அதிகரித்துள்ளது. மற்ற நாடுகளுடன் ஒப்பிடும் போது, சென்ற நிதியாண்டில், இந்தியாவின் உருக்கு உற்பத்தி வளர்ச்சி, நல்ல அளவில் உயர்ந்துள்ளதாக, உலக உருக்கு கூட்டமைப்பு தெரிவித்து உள்ளது.
உலகளவில், உருக்கு உற்பத்தியில், ஜப்பான் நாடு இரண்டாம் இடத்தில் உள்ளது. சென்ற நிதியாண்டில், இந்நாட்டின் உருக்கு உற்பத்தி, 10.73 கோடி டன்னாக இருந்தது. இது, இதற்கு முந்தைய நிதிஆண்டில் மேற்கொள்ளப்பட்ட உருக்கு உற்பத்தியை (10.65 கோடி டன்) விட, 0.78 சதவீதம் அதிகமாகும்.உருக்கு உற்பத்தியில், அமெரிக்கா மூன்றாவது இடத்தில் உள்ளது. கடந்த நிதியாண்டில், இந்நாட்டின் உருக்கு உற்பத்தி, 1.61 சதவீதம் குறைந்துள்ளது. அதாவது, இந்நாட்டின் உருக்கு உற்பத்தி, 8.84 கோடி டன்னிலிருந்து, 8.69 கோடி டன்னாக சரிவடைந்துள்ளது.
கணக்கீட்டு நிதியாண்டில், ரஷ்யாவின் உருக்கு உற்பத்தி, 0.17 சதவீதம் வளர்ச்சி கண்டு, 6.96 கோடி டன்னாக உயர்ந்து உள்ளது. அதேசமயம், தென்கொரியாவின் உருக்கு உற்பத்தி, 1.62 சதவீதம் குறைந்து, 6.82 கோடி டன்னாக சரிவடைந்து உள்ளது என, உலக உருக்கு கூட்டமைப்பு மேலும் தெரிவித்துள்ளது.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 07,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 07,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 07,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 07,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 07,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்