மும்பை: கடந்த ஜூன் மாதத்தில், நாட்டின் தங்கம் இறக்குமதி, கணிசமான அளவு குறைந்திருக்கும் என, எதிர்பார்க்கப்படுகிறது.வெளியேறும் அன்னியச் செலாவணிக்கும், கையிருப்பு அன்னியச் செலாவணிக்கும், இடையேயான வித்தியாசமாக கருதப்படும், நடப்புக் கணக்கு பற்றாக்குறை அதிகரித்து வருவதால், தங்கம் இறக்குமதி மீதான வரியை, மத்திய அரசு அதிகரித்து வருகிறது.

கடந்த, 2012 - 13ம் நிதியாண்டில், 5 சதவீதமாக இருந்த நடப்புக் கணக்கு பற்றாக்குறை, 2013, அக்டோபர் - டிசம்பர் காலாண்டில், 6.7 சதவீதமாக அதிகரித்துள்ளது. இது, மோசமான பொருளாதார அறிகுறியாக கருதப்படுகிறது. கடந்த ஆண்டு ஜூன் மாதம், 50 டன் தங்கம் இறக்குமதி செய்யப்பட்ட நிலையில், மத்திய அரசின் கெடுபிடிகளால், இந்த ஆண்டு ஜூன் மாதம், இறக்குமதி தங்கத்தின் அளவு, 38 டன்களாகக் குறையும் என, எதிர்பார்க்கப்படுகிறது. ஏனெனில், தங்கம் இறக்குமதியைக் கட்டுப்படுத்த, கடந்த ஜூன் மாதத்திலிருந்து, இந்த ஜூன் மாதம் வரை, ஓராண்டில், மூன்று முறை இறக்குமதி வரியை மத்திய அரசு விதித்துள்ளது. 2 சதவீதமாக இருந்த இறக்குமதி வரி, 8 சதவீதமாக அதிகரிக்கப்பட்டு உள்ளது.

இதற்கிடையே, ரிசர்வ் வங்கியும், தங்க நாணயம் மீதான கெடுபிடிகளை அதிகரித்து உள்ளது. வங்கிகள் தங்கம் இறக்குமதி செய்ய கெடுபிடி நிபந்தனைகள் விதித்துள்ள ரிசர்வ் வங்கி, வங்கிகள் தங்க நாணய விற்பனை செய்யவும் தடை விதித்துள்ளது. இதனால், கடந்த ஜூன் மாதத்தின் தங்கம் இறக்குமதி, முந்தைய ஆண்டுகளை விட கணிசமான அளவு குறைந்திருக்கும் என, கருதப்படுகிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 08,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 08,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 08,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 08,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 08,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்