பதிவு செய்த நாள்
16 ஜூலை2013
05:14
புதுடில்லி:சென்ற ஜூன் மாதம், மொத்த விலை குறியீட்டு எண் அடிப்படையிலான, நாட்டின் பொதுபணவீக்கம், 4.86 சதவீதமாக உயர்ந்து உள்ளது. இது, முந்தைய மே மாதம், 4.70 சதவீதமாக குறைந்து காணப்பட்டது.வெங்காயம்:வெங்காயம் உள்ளிட்ட காய்கறிகளின் விலை உயர்வு காரணமாக, பணவீக்கம் அதிகரித்துள்ளது.சென்ற 2012ம் ஆண்டு, ஜூன் மாதம், நாட்டின் பணவீக்கம், 7.58 சதவீதம் என்ற அளவில் மிகவும் உயர்ந்து காணப்பட்டது. இதனுடன் ஒப்பிடும்போது, நடப்பாண்டு, ஜூன் மாதம் பணவீக்கம் குறைந்துள்ளது.
சென்ற ஜூன் மாதம், வெங்காயம், தானியங்கள், அரிசி உள்ளிட்டவற்றின் விலை உயர்வால், உணவுப் பொருள் பணவீக்கம், 9.74 சதவீதமாக உயர்ந்து உள்ளது. இது, முந்தைய மே மாதத்தில், 8..25 சதவீதமாக இருந்தது.காய்கறிகளின் விலை, 4.85 சதவீதத்தில் இருந்து, 16.47 சதவீதமாக அதிகரித்து உள்ளது. இது, கடந்த ஏப்ரல் மாதத்தில், மைனஸ் 9.05 சதவீதமாக இருந்தது.சென்ற ஜூன் மாதம், முட்டை, இறைச்சி, மீன் ஆகியவற்றின் பணவீக்கம், 12.23 சதவீதமாக உயர்ந்து உள்ளது. இது, முந்தைய மே மாதம், 11.21 சதவீதமாக இருந்தது.இதே காலத்தில், தானியங்கள், அரிசி ஆகியவற்றின் பணவீக்கம், முறையே, 16.01 மற்றும் 18.48 சதவீதத்தில் இருந்து, 17.18 மற்றும் 19.11 சதவீதமாக உயர்ந்து உள்ளது.
அதே சமயம், இதே காலத்தில், உருளைக்கிழங்கு விலை, மைனஸ் 3.44 சதவீதத்தில் இருந்து, மைனஸ், 14.22 சதவீதமாக சரிவடைந்துள்ளது. அதுபோன்று, பருப்பு வகைகளின் விலையும், 5.95 சதவீதத்தில் இருந்து, 1.59 சதவீதமாக வீழ்ச்சி கண்டுள்ளது.எரிபொருள், மின்சாரம் ஆகியவற்றின் பணவீக்கம், 7.32 சதவீதத்தில் இருந்து, 7.12 சதவீதமாக குறைந்து உள்ளது.சென்ற ஜூன் மாதத்தில், தயாரிப்பு துறையின் பணவீக்கம், 2.75 சதவீதமாக குறைந்துள்ளது. இது, முந்தைய மே மாதம், 3.11 சதவீதம் என்ற அளவில் அதிகரித்து காணப்பட்டது.
எண்ணெய் வித்துக்கள்:இதே காலத்தில், எண்ணெய் வித்துக்கள், கனிமங்கள், நாரிழை உள்ளிட்ட, உணவு சாரா பொருட்களின் பணவீக்கம், 4.88 சதவீதத்தில் இருந்து, 7.57 சதவீதமாக உயர்ந்துள்ளது.சென்ற ஏப்ரலில், நாட்டின் பணவீக்கம் 4.89 சதவீதம் என, தற்காலிக புள்ளிவிவரத்தில் தெரிவிக்கப்பட்டிருந்தது. இது, 4.77 சதவீதமாக மறுமதிப்பீடு செய்யப்பட்டுள்ளது.சென்ற வாரம் வெளியிடப்பட்ட புள்ளி விவரத்தில், நாட்டின் சில்லரை பணவீக்கம், சென்ற ஜூன் மாதத்தில், 9.87 சதவீதம் (9.31 சதவீதம்) என்ற அளவிற்கு உயர்ந்துள்ளதாக தெரிவிக்கப்பட்டிருந்தது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|