புதுடில்லி : முக்கியமான சில தொழில்துறை நிறுவனங்களில் அந்நிய முதலீட்டை அதிகரிப்பதற்காக முக்கிய துறைகளில் அந்நிய முதலீட்டிற்கான வரம்பை மத்திய அரசு உயர்த்தி உள்ளது. அந்நிய முதலீட்டிற்கு விதிக்கப்பட்டுள்ள உச்சவரம்பு விதிகளை தொலைத்தொடர்பு, எண்ணெய் மற்றும் எரிவாயு உள்ளிட்ட சில முக்கிய துறைகளில் தளர்த்தி உள்ளது. முதலீடுகளை கவருவதற்காகவும், சர்வதேச சந்தையில் இந்திய ரூபாயின் மதிப்பை அதிகரிக்கச் செய்யவும் இந்த நடவடிக்கை மேற்கொள்ளப்பட்டுள்ளது.

தற்போது தொலைத்தொடர்பு துறையில் அந்நிய முதலீட்டிற்கான அளவு 100 சதவீதமாக உயர்த்தப்பட்டுள்ளது. இதனால் சுமார் 10 பில்லியன் டாலர்கள் வரை கிடைக்கும் என எதிர்பார்க்கப்படுகிறது. இதே போன்று மற்றொரு முக்கிய துறையான இன்சூரன்ஸ் துறையில் அந்நிய முதலீட்டிற்கான உச்சவரம்பு 26 சதவீதத்தில் இருந்து 49 சதவீதமாக உயர்த்தப்பட்டுள்ளது. இதே போன்று பெட்ரோலிய துறையில் அந்நிய நேரடி முதலீடு 49 சதவீதம் வரையிலும், பாதுகாப்பு துறையில் 26 சதவீதம் வரையிலும் உயர்த்தப்பட்டுள்ளது. அந்நிய நேரடி முதலீடு உச்சவரம்பு உயர்த்தப்படுவதால் மாநிலங்களில் கலை தொழில்நுட்பம் வளர்ச்சி அடைய உதவியாக இருக்கும் என தெரிவிக்கப்பட்டுள்ளது. பாதுகாப்பு துறைக்கான அமைச்சரவை குழு இதற்கான ஒப்புதலை அளிக்க உள்ளது. மத்திய அரசு இந்த முடிவு தொழில் துறை நிறுவனங்கள் இடையே பெரும் வரவேற்பை பெற்றுள்ளன.

பல்நோக்கு சில்லறை வணிகத்தில் அந்நிய முதலீட்டின் உச்சவரம்பு 51 சதவீதமாக மட்டுமே இருக்க வேண்டும் என செப்டம்பர் மாதம் முடிவு செய்யப்பட்டது. ஆனால் மேற்குவங்க முதல்வர் மம்தா பானர்ஜி தலைமையிலான திரிணாமுல் காங்கிரஸ், ஆளும் ஐக்கிய முற்போக்கு கூட்டணியில் இருந்து விலகியதை அடுத்து மத்திய அரசு பெரும்பான்மையை இழந்து மைனாட்டி அரசு ஆனது. இதனால் இழந்த அந்தஸ்தை மீண்டும் பெறுவதற்காக மத்திய அரசு, பொருளாதார விவகாரத்துறை செயலாளர் அரவிந்த் மாயாராமின் பரிந்துரைப்படி அந்நிய நேரடி முதலீட்டு உச்சரவரம்பை 74 சதவீதம் வரை உயர்த்த முடிவு செய்துள்ளது. கடந்த 10 ஆண்டுகளில் இந்தியாவின் பொருளாதார வளர்ச்சி சரிந்துள்ளது, சர்வதேச சந்தையில் முன் எப்போதும் இல்லாத அளவிற்கு ரூபாயின் மதிப்பு சரிந்துள்ளதும் அந்நிய நேரடி முதலீடு உச்சவரம்பு அதிகரிக்கக் காரணம் என அரசு தரப்பில் கூறப்பட்டுள்ளது. ஆனால் நேரடி அந்நிய முதலீட்டை பல துறைகளிலும் விரிவுபடுத்தியதற்கும், அதற்கான உச்சவரம்பை அதிகப்படுத்தவும் மம்தா பானர்ஜியும், எதிர்க்கட்சிகளும் எதிர்ப்பு தெரிவித்துள்ளனர்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 17,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 17,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 17,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 17,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 17,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்