பதிவு செய்த நாள்
20 ஜூலை2013
17:18
இன்றைய நவீன கார்களில் டிஸ்க் பிரேக் காரின் முன் சக்கர பகுதியிலும் அல்லது நான்கு சக்கரங்களிலும் இருக்கும். இந்த டிஸ்க் பிரேக்கின் முக்கிய பணி காரை நிறுத்த செய்வது தான். டிஸ்க் பிரேக்கில் பொதுவாக பயன்படுத்தப்படுபவை ஒற்றை பிஸ்டன் ப்ளோட்டிங் காலிபர் என்ற வகைதான்.
டிஸ்க் பிரேக்கின் பொதுவான அமைப்பு:
டிஸ்க் பிரேக்கின் முக்கியமானவை, பிரேக் பட்டைகள், ஒரு பிஸ்டன் கொண்டிருக்கும் காலிபர், வீல்பொருத்தும் நடு பகுதியுடன் கூடிய சூழலும் (Rotator) பகுதி நாம் சைக்கிளில் பிரேக் பிடிப்பது போன்றுதான் டிஸ்க் பிரேக்கும். காலிபரில் உள்ள பிரேக் பட்டைகள் ரிம்மை அழுத்தும் சைக்கிள் நிற்கும். அதுபோல் பிரேக் பட்டைகள் வீலுடன் இணைந்த Rotator பகுதியை கேபிள் மூலம் உத்வேகம் பாய்ச்சபடும்போது பிரேக் பட்டைகள் நெருக்கும். இதனால் டிஸ்க் வேகம் குறைந்து நிற்கும். கார் வேகமாக செல்லும்போது ஓர் இயக்க ஆற்றலை வெளிப்படுத்தும். பிரேக்குகள் அந்த இயக்க ஆற்றலை வெளியேற்றி காரை நிறுத்தும். ஒவ்வொரு முறை காரை நிறுத்தும்போது பிரேக் இயக்க ஆற்றல் வெப்பமாக மாறுகிறது. தற்போது நிறைய டிஸ்க் பிரேக்குகள் வெண்டட் மாடலில் வரத் தொடங்கியுள்ளன.
டிஸ்க் பிரேக் வெண்ட்ஸ்: வெண்ட் உள்ள டிஸ்க் பிரேக்குகளில் 2 துளைகள் இருக்கும். இதன் மூலம் காற்று டிஸ்குகளுக்கு பாய்ச்சும் போது குளிர்ச்சி ஏற்படும்.
சுயமாய் மாறும் பிரேக் (Self Adjusting Brakes) ஒற்றை பிஸ்டன் ப்ளோட்டிங் காலிபர் டிஸ்க் பிரேக்குகள் Self Adjust செய்து கொள்ளும். காலிபர் கொஞ்சமாய் முன்பின் நகரும் தன்மையுடன் உள்ளது. இதற்கென ஸ்பிரிங் எதுவும் பொருத்தப்படவில்லை.
பழைய கார்களில் இரண்டு அல்லது நான்கு பிஸ்டன் கொண்ட காலிபர் பயன்படுத்தப்பட்டன. அவற்றால் அதிக பலன் இல்லை. ஆனால் ஒற்றை பிஸ்டன் வடிவமைப்பு மூலம் செலவும் குறைவு. பயன் அதிகம்.
எமர்ஜென்சி பிரேக்குகள்: கார்களில் பிரேக்குகள் நான்கு சக்கரங்களில் பொருத்தப்பட்டிருக்கும். ஆனால் எமர்ஜென்சி பிரேக்குகள் தன் பொறியியல் முறையை கையாண்டு வடிவமைக்கப்பட்டுள்ளது. அதாவது முதல் நிலை பிரேக்குகள் ஏதேனும் தவறினால் எமர்ஜென்சி பிரேக் உதவி புரியும். பொதுவாக கார்களில் கேபிள் மூலம் இயங்கும் எமர்ஜென்ஸி பிரேக்குகள் உள்ளன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|