புதுடில்லி:நடப்பு நிதியாண்டின் ஏப்ரல் முதல் ஜூன் வரையிலான முதல் காலாண்டில்,நாட்டின் மறைமுக வரி வசூல், 4.7 சதவீதம் என்ற அளவிற்கே வளர்ச்சி கண்டுள்ளது என, மத்திய நிதி அமைச்சகத்தின் உயரதிகாரி ஒருவர் தெரிவித்தார்.தொழில் துறையில் சுணக்க நிலை மற்றும் உற்பத்தி வரி வசூல் குறைவு போன்ற காரணங்களால், மறைமுக வரி வசூல் வளர்ச்சி மிகவும் குறைந்துள்ளது.
மதிப்பீட்டு காலாண்டில், மறைமுக வரி வசூல், 1.11 லட்சம் கோடி ரூபாயாக உயர்ந்துள்ளது. இது, கடந்த நிதியாண்டின் இதே காலாண்டில், 1.05 லட்சம் கோடி ரூபாயாக இருந்தது. ஆக, நாட்டின் மறைமுக வரி வசூல், 4.7 சதவீதம் வளர்ச்சி கண்டு உள்ளது. இது, நடப்பு நிதியாண்டின் பட்ஜெட்டில் முன்னறிவிப்பு செய்யப்பட்டிருந்த, 19 சதவீதத்தை காட்டிலும், மிகவும் குறைவு என்பது குறிப்பிடத்தக்கது.மறைமுக வரியின் கீழ்,உற்பத்தி வரி, சுங்க வரி, சேவை வரி ஆகியவை இடம்பெற்றுள்ளன.
நடப்பு நிதியாண்டின், ஏப்ரல் மற்றும் மே மாத காலத்தில், நாட்டின் தொழில்துறை உற்பத்தி, 0.1 சதவீதம் அளவிற்கே வளர்ச்சி கண்டுள்ளது. இது, கடந்த நிதியாண்டின் இதே காலத்தில், 0.6 சதவீதம் என்ற அளவில் உயர்ந்து காணப்பட்டது. இதையடுத்து, கணக்கீட்டு காலாண்டில், உற்பத்தி வரி வசூல், 4.9 சதவீதம் சரிவடைந்து, 37,600 கோடி ரூபாயாக குறைந்துள்ளது. அதேசமயம், சுங்க வரி வசூல், 6.9 சதவீதம் அதிகரித்து, 40,800 கோடி ரூபாயாக உயர்ந்துள்ளது.மேலும், சேவை வரி வசூலும், 15.2 சதவீதம் வளர்ச்சி கண்டு, 32,500 கோடி ரூபாயாக அதிகரித்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 23,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 23,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 23,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 23,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 23,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்