மும்பை : வாரத்தின் இரண்டாம் நாளில் முதலீட்டாளர்களுக்கு பெரும் அதிர்ச்சியை கொடுத்தது இந்திய பங்குசந்தைகள். ரூபாயின் மதிப்பு வரலாறு காணாத அளவுக்கு கடும் சரிவை சந்தித்ததால் இந்திய பங்குசந்தைகள் ஆட்டம் கண்டன. சென்செக்ஸ் 450 புள்ளிகளும், நிப்டி 143 புள்ளிகள் சரிவுடனும் முடிந்தன.

இந்திய பங்குசந்தைகள் இன்று(ஆகஸ்ட் 6ம் தேதி) சரிவுடன் தான் துவங்கியது. அதேப்போல் ரூபாயின் மதிப்பும் சரிவுடன் துவங்கியது. போகப்போக ரூபாயின் மதிப்பு கடும் சரிவை சந்தித்தது. ஒருகட்டத்தில் ரூபாயின் மதிப்பு வரலாறு காணாத வகையில் ரூ.61.80 எனும் உச்சநிலை சரிவை சந்தித்தது. இதனால் இந்திய பங்குசந்தைகள் கடும் சரிவை சந்தித்தன. மாலை 3மணியளவில் 500 புள்ளிகளுக்கு மேல் சரிந்த‌ன. இதனால் சென்செக்ஸ் 19ஆயிரத்திற்கு கீழும், நிப்டி 6ஆயிரத்திற்கு கீழும் சென்றது.

வர்த்தகநேர முடிவில் மும்பை பங்குசந்தையின் சென்செக்ஸ் 449.22 புள்ளிகள் சரிந்து 18,733.04 எனும் அளவிலும், தேசிய பங்குசந்தையின் நிப்டி 143.15 புள்ளிகள் சரிந்து 5,542.25 எனும் அளவிலும் முடிந்தன.

இன்றைய வர்த்தகத்தில் ஐசிஐசிஐ., யெஸ் வங்கி, டாடா பவர், மாருதி சுசூகி, பஜாஜ் ஆட்டோ, பெல், எச்டிஎப்சி., எல் அண்ட் டி., ரிலையன்ஸ் இண்டஸ்ட்ரீஸ், இன்போசிஸ், மஹிந்திரா அண்ட் மஹிந்திரா உள்ளிட்ட அநேக பங்குகள் விலை பெரும் சரிவை சந்தித்தன.

இன்றைய வர்த்தக சரிவால் இந்திய பங்குசந்தைகள் டிரில்லியன் டாலர் மார்க்கெட்டில் இருந்து வெளியே வந்தது. தற்போது இந்திய பங்குசந்தைகளின் முதலீடு ரூ.60.2 லட்சம் கோடியாக உள்ளது. மேலும் ரூபாயின் மதிப்பு கடும் சரிவை சந்தித்தால், ஆசியாவில் டாலருக்கு எதிராக கடும் சரிவை சந்தித்த நாடு எனும் நிலையையும் இந்தியா அடைந்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 06,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 06,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 06,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 06,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 06,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்