தங்கம் விலை சவரனுக்கு ரூ.64 உயர்வுதங்கம் விலை சவரனுக்கு ரூ.64 உயர்வு ... அன்னிய செலாவணி கையிருப்பு 300 கோடி டாலர் வீழ்ச்சி அன்னிய செலாவணி கையிருப்பு 300 கோடி டாலர் வீழ்ச்சி ...
ரூபாய்மதிப்பை உயர்த்த மத்திய அரசுதிட்டம்:சொகுசு, மின்னணு சாதனங்களுக்கு அதிக சுங்க வரி
எழுத்தின் அளவு:

பதிவு செய்த நாள்

11 ஆக
2013
00:41

புதுடில்லி:நாட்டின் நடப்பு கணக்கு பற்றாக்குறை தொடர்ந்து அதிகரித்து வருவதை தடுத்து நிறுத்துவதுடன், டாலருக்கு எதிரான ரூபாய்வெளி மதிப்பை உயர்த்தவும், மத்திய அரசு, ஒரு சில அதிரடி திட்டங்களை மேற்கொள்ள இருப்பதாக தெரியவந்துள்ளது.நாட்டின் ஏற்றுமதி குறைந்து, இறக்குமதி அதிகரித்து வருவதால், நாட்டின் நடப்பு கணக்கு பற்றாக்குறை உயர்ந்துள்ளது. இதனால், அதிகளவில், அன்னியச் செலாவணி வெளியேறுவதால், ரூபாய்மதிப்பு சரிவடைந்து வருகிறது.
நடப்பு கணக்கு பற்றாக்குறை நடப்பாண்டின் மே மாதம் முதல் இதுவரையிலுமாக, டாலருக்கு எதிரான ரூபாயின் வெளி மதிப்பு, 12 சதவீதம் சரிவடைந்துள்ளது. சென்ற வெள்ளிக்கிழமையன்று, டாலருக்கு எதிரான ரூபாய்மதிப்பு, 60.86 ஆக இருந்தது.கடந்த 2012-13ம் நிதியாண்டில், நாட்டின் மொத்த உள்நாட்டு உற்பத்தியில், நடப்பு கணக்கு பற்றாக்குறை, 4.8 சதவீதமாக மிகவும் அதிகரித்திருந்தது. நடப்பாண்டிலும், இது உயர்ந்து வருகிறது. இதை தடுத்து நிறுத்திடும் வகையில், மத்திய அரச, தங்கம் உள்ளிட்ட பல்வேறு இறக்குமதி பொருட்கள் மீதான சங்க வரியை உயர்த்தியுள்ளது.
குறிப்பாக, தங்கம் இறக்குமதி மீதான சங்க வரி, படிப்படியாக உயர்த்தப்பட்டு, தற்போது, 8 சதவீதமாக அதிகரிக்கப்பட்டு உள்ளது. அரசின் இத்திட்டத்திற்கு, ஓரளவிற்கு, பலன் கிடைத்தது என்றாலும், ஏற்றுமதி குறைவால், அன்னியச் செலாவணி வரத்து குறைந்துள்ளது.அன்னியச் செலாவணி கையிருப்பு குறைந்து வருவதும், டாலருக்கு எதிரான ரூபாய்மதிப்பின் சரிவிற்கு முக்கிய காரணமாக உள்ளது. இவற்றை எல்லாம் கருத்தில் கொண்டு மத்திய அரச, சொகுச பொருட்கள் மற்றும் சாதனங்கள் மீதான சங்க வரியை உயர்த்த, திட்டமிட்டுள்ளதாக தெரியவந்து உள்ளது.குறிப்பாக, ஸ்மார்ட்போன், மடிக்கணினிக்கான பேட்டரிகள், டேப்லெட் கம்ப்யூட்டர்கள், சொகுச வகை கடிகாரங்கள், வெளிநாட்டு மது பானங்கள், "ஏசி' சாதனங்கள், பிரிட்ஜ். எல்.இ.டீ., - டிவி., மதிப்பு மிகு உலோகங்கள் போன்றவற்றின் மீதான இறக்குமதி வரியை, மேலும் உயர்த்த திட்டமிட்டுள்ளது.இது குறித்த அறிவிப்பு, கூடிய விரைவில் வெளிவரும் என, எதிர்பார்க்கப்படுகிறது.நெறிமுறைகள்:மேற்கண்ட நடவடிக்கைகளுடன், மத்திய அரச, அன்னியச் செலாவணி வரத்தை அதிகரிக்கும் வகையிலும், திட்டங்களை அறிவிக்க உள்ளது. இதன்படி, வெளிநாட்டு வர்த்தக கடனை (இ.சி.பி) அதிகளவில் பெரும் வகையில், அதற்கான நெறிமுறைகளை எளிமைப்படுத்த திட்டமிட்டுள்ளது.
பொதுத் துறை நிறுவனங்கள், அயல்நாடுகளில் கடன்பத்திரங்களை வெளியிட்டு நிதி திரட்டும் வகையிலும், நடவடிக்கை எடுக்கப்பட உள்ளது. மேலும், வெளிநாடு வாழ் இந்தியர்களின் முதலீட்டை பெறும் வகையிலும், திட்டம் அறிவிக்கப்படலாம் என, எதிர்பார்க்கப்படுகிறது.அரச கடன்பத்திரங்களில், அன்னிய நிதி நிறுவனங்களின் முதலீட்டை அதிகரிக்கும் வகையில், உச்சவரம்பை உயர்த்துவதுடன், அதற்கான வட்டி விகிதங்களும் மாற்றி அமைக்கப்படலாம் என, தெரியவந்துள்ளது.
நாட்டின் தொழில் துறை உற்பத்தி, கடந்த இரண்டு மாதங்களாக, மிகவும் சரிவடைந்து உள்ளது. எனவே, மத்திய அரச, உள்நாட்டு நிறுவனங்களின் வளர்ச்சியை கருத்தில் கொண்டு, தயாரிப்பு பொருட்களின் மீதான இறக்குமதி வரியை உயர்த்தவும் திட்டமிட்டுள்ளது.சொகுச பொருட்கள் மற்றும் சாதனங்கள் தவிர, புகையிலை பொருட்கள், மதுபானங்கள் ஆகியவற்றின் மீதான சங்க வரியும் உயர்த்தப்பட உள்ளது.
தற்போதைய நிலையில், சிறப்பு வகை உலோகங்கள் மற்றும் மதிப்பு மிகு நவரத்தினங்கள் மீதான சங்க வரி, 10 சதவீத அளவிற்கும், புகையிலை பொருட்கள் மீதான சங்க வரி, 30 சதவீதம் என்ற அளவிலும் உள்ளது. இவற்றின் மீதான சங்க வரியை உயர்த்தவும் வாய்ப்பு உள்ளது.
கடன் பத்திரங்கள்:நாட்டின் மோட்டார் வாகன துறை மந்தமாக உள்ளதால், மோட்டார் வாகன துறையின் இறக்குமதி மீதான சங்க வரி, உயர்த்தப்படாது என்ற கருத்தும் உள்ளது.தற்போதைய நிலையில், அன்னிய நிதி நிறுவனங்கள், அரச கடன்பத்திரங்களில் மேற்கொள்வதற்கான முதலீட்டு உச்ச வரம்பு, 2,500 கோடி டாலர் என்ற அளவிலும், நிறுவன கடன்பத்திரங்கள் மீதான முதலீட்டு உச்சவரம்பு, 5,100 கோடி டாலர் என்ற அளவிலும் உள்ளது. அன்னியச் செலாவணி வரத்தை மேம்படுத்தும் வகையில், மேற்கண்ட முதலீட்டு உச்சவரம்பை உயர்த்தவும், அரச திட்டமிட்டுள்ளதாக கூறப்படுகிறது.

Advertisement

மேலும் பொது செய்திகள்

business news
புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்
business news
புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்
business news
புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்
business news
புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்
business news
புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்
  தினமலர் முதல் பக்கம்
வர்த்தகம் முதல் பக்கம் »
Advertisement
Advertisement
Advertisement
dinamalar-advertisement-tariff-2018
  • தங்கம்
  • வெள்ளி
  • கரன்சி
  • மளிகை மார்க்கெட்
 
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)