பதிவு செய்த நாள்
21 ஆக2013
17:31
ஜாகுவார் எப் டைப் கார்கள் சென்னையில் ஆகஸ்ட் பத்தாம் தேதி அறிமுகப்படுத்தப்பட்டது. எப் டைப் இரண்டு இருக்கை கொண்ட மாற்றிக் கொள்ளத்தக்க (கன்வர்ட்டிபிள்) ஸ்போர்ட்ஸ் கார் ஆகும். எக்ஸ்.கே கன்வர்ட்டிபிள் மற்றும் கூப்பே மாடல்களில் இணையும் இந்த புதிய எப் டைப் ஸ்போர்ட்ஸ் மற்றும் ஜிடி மாடல்களின் வடிவமைப்பில் இணைகிறது. இந்தியாவின் எப் டைப் எஸ் மற்றும் எப் டைப் வி8 எஸ் ஆகிய இரண்டு வகைகளில் கிடைக்கும். இவை முறையே 380 பிஎஸ் சக்தி அளிக்கும் ஜாகுவாரின் புதிய 3.0 லிட்டர் சூம்பர் சார்ஜ்ட் பெட்ரோல் என்ஜின் மற்றும் 495 பிஎஸ் சக்தி தரும் 5.0 லிட்டர் சூப்பர் சார்ஜ்ட் பெட்ரோல் என்ஜின் கொண்டதாகும். இதில் உயர் வகையான எப் டைப் வி8எஸ் 4.3 வினாடிகளில் மணிக்கு 100 கிலோமீட்டர் வேகத்தை எட்டுவதுடன் அதிகபட்சமாக மணிக்கு 300 கிலோ மீட்டர் வேகத்திலும் செல்லும். எப் - டைப் எஸ் 4.9 வினாடிகளில் 100 கிலோ மீட்டர் வேகத்தை எட்டி அதிகபட்சமாக மணிக்கு 275 கிலோ மீட்டர் வேகத்தில் செல்லும். ஜாகுவார் மற்றும் லேண்ட் ரோவர் இந்தியாவின் துணைத் தலைவர் ரோஹித் சூரி அறிமுக விழாவில் பேசுகையில், "இந்திய சந்தையில் இந்த இரண்டு இருக்கை கொண்ட ஸ்போர்ட்ஸ் கார் வாடிக்கையாளர்களிடையே பெரும் வரவேற்பை பெற்றுள்ளது. இந்திய ஸ்போர்ட்ஸ் கார் சந்தையில் பெரும் மாற்றத்தை இது ஏற்படுத்தும் என நம்புகிறோம். இதன் உறுதியான வடிவமைப்பு மற்றும் ஒட்டுனரை மையப்படுத்திய பொறியியல் ஆகியவற்றுடன் இந்த கார் தமிழகத்தில் எங்களது பிராண்ட்டின் மீதான மதிப்பை விரிவுபடுத்தும் என்கிறார். ஜாகுவார் எப் டைப் எஸ் விலை 14,025,783 ரூபாய் மற்றும் உயர் ரக எப் டைப் வி8எஸ் விலை 16,491,238 ரூபாய் ஆகும். (சென்னை எக்ஸ் ஷோரூம் விலை)
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|