மும்பை:சென்ற ஜூலையில், வங்கிகளின் சில்லறை கடன், 17 சதவீதம் அதிகரித்து, 9.42 லட்சம் கோடி ரூபாயாக உயர்ந்துள்ளது. இது, சென்ற 2012ம் ஆண்டு, இதே மாதத்தில், 8.05 லட்சம் கோடி ரூபாயாக இருந்தது.
இது குறித்து ரிசர்வ் வங்கியின் அறிக்கையில் கூறியிருப்பதாவது:வங்கிகளின் சில்லறை கடன், கடந்த ஆண்டு, ஜூலையில் காணப்பட்டதை விட, நடப்பாண்டு ஜூலையில், 1,36,830 கோடி ரூபாய் அதிகரித்துள்ளது.வங்கிகளின் சில்லறை கடன் பிரிவில், வீட்டு வசதிக் கடன் குறிப்பிடத்தக்க பங்களிப்பை கொண்டு உள்ளது.
சென்ற ஜூலையில், வங்கிகளின் வீட்டு வசதிக் கடன், 18.4 சதவீதம் அதிகரித்து, 4,90,455 கோடி ரூபாயாக உயர்ந்துள்ளது. இந்த வளர்ச்சி, சென்ற ஆண்டு, இதே மாதத்தில், 11 சதவீதமாக இருந்தது. அதே சமயம், இதே காலத்தில், வங்கிகளின் உணவு சாரா கடன் வளர்ச்சி, 16.6 சதவீதத்தில் இருந்து, 14.8 சதவீதமாக சரிவடைந்துள்ளது.இதே காலத்தில், தொழில்துறை கடன் வளர்ச்சி, 15.9 சதவீதம் என்ற அளவில் உயர்ந்து, 19,64,954 கோடியில் இருந்து, 22,07,362 கோடி ரூபாயாக அதிகரித்து உள்ளது.இதில், குறு மற்றும் சிறு தொழில்களுக்கான கடன் வளர்ச்சி, 20.3 சதவீதம் உயர்ந்து, 2,41,837 கோடியில் இருந்து, 2,90,955 கோடி ரூபாயாக உயர்ந்துள்ளது.
அது போன்று, பெருந்தொழில்களுக்கான கடன் வளர்ச்சி, 16.7 சதவீதம் அதிகரித்து, 15,89,857 கோடியில் இருந்து, 18,54,619 கோடி ரூபாயாக உயர்ந்துள்ளது.இருந்தபோதிலும், நடுத்தர தொழில்களுக்கான கடன் வளர்ச்சி, 1.1 சதவீதம் குறைந்து, 1,33,260 கோடியில் இருந்து, 1,31,788 கோடி ரூபாயாக சரிவடைந்து உள்ளது.உணவு பதப்படுத்துதல், நவரத்தினங்கள் மற்றும் ஆபரணங்கள், சிமென்ட் மற்றும் சிமென்ட் பொருட்கள், மரம் மற்றும் மரப் பொருட்கள், அடிப்படை கட்டமைப்பு, ரசாயனம் மற்றும் ரசாயனப் பொருட்கள், காகிதம், ஜவுளி, தோல் மற்றும் தோல் பொருட்கள், குளிர்பானங்கள் மற்றும் புகையிலை ஆகிய துறைகளுக்கான வங்கிக் கடன் வளர்ச்சி அதிகரித்துள்ளது.இவ்வாறு, அறிக்கையில் தெரிவிக்கப்பட்டுள்ளது.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 02,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 02,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 02,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 02,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 02,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்