பதிவு செய்த நாள்
02 செப்2013
00:43
புதுடில்லி:மத்திய அரசு, இறக்குமதி செய்யப்படும், 10 கிராம் தங்கத்தின் மதிப்பை, 461 டாலராக உயர்த்தி நிர்ணயம் செய்துள்ளது. மேலும், இறக்குமதி செய்யப்படும், ஒரு கிலோ வெள்ளியின் மதிப்பும், 803 டாலராக உயர்த்தப்பட்டுள்ளது என, மத்திய சுங்க வரி துறை தெரிவித்துள்ளது.இதற்கு முன்பு, இறக்குமதி செய்யப்படும் தங்கம் (10 கிராம்) மற்றும் வெள்ளி (ஒரு கிலோ) ஆகியவற்றின் மதிப்பு முறையே, 431 டாலர் மற்றும் 697 டாலர் என்ற அளவில் இருந்தது. மத்திய அரசு நிர்ணயிக்கும் மதிப்பின் அடிப்படையில்தான், இறக்குமதி செய்யப்படும் தங்கம் மற்றும் வெள்ளி ஆகியவற்றின் மீது சுங்கவரி விதிக்கப்படுகிறது என்பது குறிப்பிடத்தக்கது கடந்த இரண்டு நாட்களுக்கு முன்பு, முன் எப்போதும் இல்லாத அளவாக, 10 கிராம் தங்கத்தின் விலை, 34,500 ரூபாய் என்ற புதிய உச்சத்தை எட்டியிருந்தது. சென்ற ஆகஸ்ட் மாதம், தங்கத்தின் விலை, 9 சதவீதம் அதிகரித்துள்ளது என்பது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|