புதுடில்லி:இந்தியாவில் இருந்து அரிசி, நிலக்கடலை ஆகியவற்றின் இறக்குமதிக்கு விதிக்கப்பட்ட தடையை, ரஷ்யா நீக்கியுள்ளது. இது, இந்திய ஏற்றுமதியாளர்களுக்கு மகிழ்ச்சியை அளித்துள்ளது.இந்தியாவில் இருந்து இறக்குமதியாகும் அரிசியில் வண்டுகளும், நிலக்கடலையில் நிர்ணயிக்கப்பட்டதை விட, "அப்லடாக்சின்' என்ற நச்சுப் பொருளும் அதிகம் உள்ளதாக ரஷ்யா குற்றம் சாட்டியது.இதையடுத்து, கடந்த ஜனவரியில், இந்திய அரிசி, நிலக்கடலை ஆகியவற்றின் இறக்குமதிக்கு, ரஷ்யா தடை விதித்தது.இந்த தடையை நீக்க வேண்டும் என, இந்தியா கோரிக்கை விடுத்தது.
இது தொடர்பாக, கடந்த ஜூன் மாதம், ரஷ்ய உணவு பாதுகாப்பு துறை அதிகாரிகள், இந்தியா வந்து, உணவு தானியங்களை பதப்படுத்தும் தொழிலகங்களை பார்வையிட்டனர்.அப்போது, உணவு பாதுகாப்பு நடைமுறைகள் குறித்து, ரஷ்யக் குழுவினர் திருப்தி தெரிவித்ததாக, மத்திய உணவு அமைச்சக அதிகாரி ஒருவர் கூறினார்.
இதையடுத்து, ரஷ்ய அரசு, இந்திய அரிசி, நிலக்கடலை ஆகியவற்றின் மீது விதிக்கப்பட்ட தற்காலிக தடையை நீக்குவதாக அறிவித்துள்ளது.இந்த உத்தரவு, நடப்பு செப்டம்பர் 1ம் தேதி முதல், முன்தேதியிட்டு நடைமுறைக்கு வந்துள்ளது.நடப்பு கணக்கு பற்றாக்குறையை குறைக்க, அதிக அளவில் ஏற்றுமதி மேற்கொள்ள வேண்டும் என, மத்திய அரசு வலியுறுத்தி வருகிறது.
இந்நிலையில், ரஷ்யாவிற்கான அரிசி, நிலக்கடலை ஏற்றுமதி மீண்டும் துவங்கியுள்ளது என, அந்த அதிகாரி மேலும் கூறினார். இந்தியா, அரிசி உற்பத்தியில் இரண்டாவது இடத்தில் உள்ளது. சென்ற 2012-13ம் நிதியாண்டில், இந்தியா, 61 ஆயிரம் டன் அரிசி, 3,700 டன் நிலக்கடலை ஆகியவற்றை, ரஷ்யாவிற்கு ஏற்றுமதி செய்து, 3.10 கோடி டாலர் வருவாய் ஈட்டியுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 10,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 10,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 10,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 10,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 10,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்